Barna- og unglingaæfingar hefjast aftur eftir sumarhlé

Æfingarnar verða haldnar í félagsheimili Hellis í Álfabakka 14a, Mjódd. Inngangur er við hliðina á Sparisjóði Reykjavíkur en salur félagsins er á þriðju hæð hússins. Á æfingunum verða 5 eða 6 umferðir með umhugsunartíma 10 eða 7 mínútur. Umsjón með unglingaæfingunum hefur Vigfús Ó. Vigfússon.

Stefnt er að því að fara með félagsmenn á skákævintýrið í Vestmannaeyjum í haust. Skv. síðustu upplýsingum er skákævintýrið á dagskrá seinni hluta september. Þetta verður kynnt nánar þegar tímasetning og dagskrá kemur frá Eyjamönnum. Þeir sem hafa áhuga á að fara eru beðnir um að hafa samband við umsjónarmann unglingaæfinga eða senda félaginu tölvupóst sem fyrst.