Íslandsmótið í netskák fer fram 3. desember

Íslandsmótið í netskák er elsta landsmót í netskák í gervöllum heiminum en fyrsta Íslandsmótið fór fram 1996.   Tímamörk eru 4 2 (4 mínútur + 2 sekúndur á leik) og tefldar eru 9 umferðir.

Allt skráningarferlið er sjálfkrafa og eina sem þátttakendur þurfa að hafa í huga er að vera mættir tímanlega á ICC eða eigi síðar en 19:55.

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Að því loknu er hægt að skrá sig á www.hellir.com.  Þeir sem ekki hafa hugbúnað til að tefla geta halað niður þar til gerðu forriti.   Einnig er hægt að tefla í gegnum java-forrit. 

Verðlaun í syrpunni eru, eins og áður sagði, bæði vegleg og fjölbreytt, og eru sem hér segir:

Verðlaun:
1. Bókaúttekt frá Eddu útgáfu að verðmæti kr. 20.000
2. Bókaúttekt frá Eddu útgáfu að verðmæti kr. 10.000
3. Bókaúttekt frá Eddu útgáfu að verðmæti kr. 5.000
4. Þrír frímánuðir á ICC

Undir 2100 skákstigum (miðað við nýjustu íslensku skákstig):
1. Bókaúttekt frá Eddu útgáfu að verðmæti kr. 5.000
2. Þrír frímánuðir á ICC

Undir 1800 skákstigum (miðað við nýjustu íslensku skákstig):
1. Bókaúttekt frá Eddu útgáfu að verðmæti kr. 5.000
2. Þrír frímánuðir á ICC

Stigalausir:
1. Bókaúttekt frá Eddu útgáfu að verðmæti kr. 5.000
2. Þrír frímánuðir á ICC

 

Reglur Íslandsmótsins í netskák:

1. Taflfélagið Hellir skipar sérstakan skákstjóra fyrir hvert mót.   Skákstjórinn fer með fullt skákstjórnarvald í mótunum en getur notið aðstoðar fulltrúa ICC.

2. Tímamörkin er 4 2 (fjórar mínútur á skák + 2 sekúndur á leik).   Tefldar eru níu umferðir.   Skákstjóri getur stytt tímann og umferðarfjölda telji hann þörf á slíku t.d. vegna slæms sambands (lag) á ICC.   

3. Hægt er að vísa úrskurðum skákstjóra til stjórnar Taflfélagsins Hellis.   Stjórn Hellis hefur endanlegt úrskurðarvald og úrskurðum hennar verður ekki áfrýjað.  Stjórn Hellis getur leitað aðstoðar til utanaðkomandi aðila kjósi hún svo.   

4. Úrskurðir skákstjóra verða að leggja fyrir innan klukkutíma frá því kvörtun berst.   Hægt er að áfrýja úrskurðum skákstjóra til stjórnar Hellis en slíkt verður að gerast innan 24 klst. frá úrskurði skákstjóra.   Rökstuddur úrskurður stjórnar Hellis verða að liggja fyrir innan 48 klst. eftir að áfrýjun berst.
5. Með öllu óheimilt er að nota skákforrit.  Skákstjóri/stjórn Hellis leggur mat á slíkt með aðstoð frá ICC.   Telji stjórn Hellis að skákmaður hafi notað skákforrits getur hún dæmt viðkomandi skákmann í bann frá netmótahaldi Hellis í allt að 5 ár.

6. Með öllu óheimilt er að þiggja hjálp frá öðrum.   Telji mótsstjórn slíkt sannað getur hún dæmt viðkomandi skákmanni í bann frá netmótahaldi Hellis í allt að 5 ár.

7. Allar almennar reglur ICC gilda.   Séu t.d. skákmenn á “disconnected-list” hjá ICC og missa samband tapast skákirnar.  Einnig er bannað að tefla undir nafni annarra sbr. reglur ICC.  Allar skákir eru reiknaðar til stiga á ICC.
8. Mótið er opið fyrir alla íslenska skákmenn, hvort sem þeir eru búsettir hérlendis eða erlendis og einstaklinga sem hafa lögheimili í á Íslandi.  
9. Þrír Íslandsmeistaratitlar eru í boði:   Íslandsmeistari (allir), undir 1800 skákstigum og stigalausir.  Hægt er að finna til fleiri verðlaun en einna.   Birtist menn ekki á skákstigalistanum en hafa engu að síður stig (óvirkir) gilda hin óvirku stig. 
10. Séu menn efstir og jafnir og Íslandsmeistaratitill í húfi skal teflt um titilinn.   Fyrst eru tefldar tvær skákir með tímamörkunum 4 2.   Sé enn jafnt verður tefldur bráðabani þar til sigurvegari fæst.
11. Um önnur verðlaun gilda stigaútreikningar ICC.   Upplýsingar um þá má nálgast á ICC með því að slá inn:  “tell tomato help tie” en þar er um að ræða aðlagað Bucholz-kerfi.