Fótbolti, kökur og skák á unglingamóti!

Minni fyrst á tenglana til vinstri þar sem finna má úrslit, myndir, skákir o.þ.h.   Sjálfur var ég ekki skákstjóri í morgunumferð dagsins.  Fór til Keflavíkur eldsnemma í morgun til að fylgjast með yngri stráknum í fótbolta.  Þegar ég kveikti á bílnum sýndi mælirinn mínus sautján gráður.......brrrrrrrr.

Íslendingum gekk ágætlega í þriðju umferð og bæði Sverrir og Helgi unnu góða sigra á Dönum en Daði laut í gras fyrir toppmanninum.

Ég er hins vegar umsjónarmaður fjórðu umferðarinnar.  Meðferðis hafði ég fartölvuna og kveikti á leik ManU og Tottenham og áður en ég vissi var ég orðinn langvinsælastur.  ManU jafnaði á lokaandartökum leiksins og mátti heyrast ýmist fögn eða blót frá spenntum áhorfendum.  

Jæja svo hófst nú sjálf skákin.  Mesta spennan fyrir okkur Íslendingana var auðvitað skák Helga og Sverris þótt reyndar megi finna einstaka dæmi um íslenska skákáhugamenn sem meiri áhuga hafa á gengi annarra norðurlandabúa!  Skákinni lauk með jafntefli í skemmtilegri skák.  

Hjördís og Edda buðu sem fyrr upp á afar fjölbreyttar og djúsí súkkulaðikökur.  

Skákblaðamaðurinn og skólastjórinn Helgi Ólafsson lét sig ekki vanta á skákstað.  Helgi var strax vinsæll meðal krakkanna sem fóru yfir til hans að loknum skákum og stúderuðu með skólastjóranum að loknum skákunum.

Ég vil svo benda á frábæra þjónustu varðandi skákirnar.   Skákirnar má bæði finna á PGN-formati, skýrðar með tölvuforritinu Rybku auk þess þær eru á Skákhorninu. 

Fullt af nýjum myndum komnar í myndaalbúm mótsins.

Myndbandsbútur frá umferðinni:

 

Nóg í bili. 

Gunnar Björnsson