Maraþon-helgi lokið

Það er ekki laust við að orkuforðinn sé að nálgast hættumörk eftir fimm erfiðar kappskákir um helgina og það er gott að komast í eðlilegt "ein skák á dag"-prógram. Ég hefði samt ekki viljað breyta neinu varðandi skipulagið því að þótt að svona ströng dagskrá sé erfið þá myndast afar skemmtileg stemming á skákstað og sérstaklega þar sem að Helgarmót TR og Hellis var á sama tíma.

Talsvert hefur verið um að skákáhugamenn líti á mótsstað og það er alveg ómissandi gleðigjafi fyrir okkur sem að gerum Faxafen 12 að heimili okkar í eina viku. 

Veitingarnar á mótsstað hafa verið afar góðar og tóku algjörum stökkbreytingum þegar að Vigfús fór að sjá um innkaupin í staðinn fyrir Gunna. Vigfús er greinilega mun meiri sælkeri en Gunnar því að hann kaupir alltaf sérstaklega kræsilegar kökur og sætmeti á meðan Gunni er meira í rækjusalatinu. Það eina sem kemur í veg fyrir að Vigfús verði krýndur ótvíræður sigurvegari innkaupanna er sú heppni Gunnars að grísa á að kaupa Roastbeef-salat á föstudaginn sem að gjörsamlega hvarf ofan í svanga skákmenn. Að öllu óbreyttu ætti þó Vigfús að klára dæmið í kvöld!

BÞ

BÞ

 

Athugasemdir

[Gunnar Björnsson (IP-tala skráð) 21.7.2008 kl. 14:12]

Ég vil benda á að Davíð verður skákstjóri í kvöld og hann er þekktur fyrir ýmislegt í matargerð...........Ég tel því að Fúsi þurfi að vara sig!

Kveðja,
Gunnar "Roast-beef" Bjönrsson