Kristófer Orri sigursæll á æfingum

Kristófer Orri Guðmundsson hefur verið ósigrandi á síðustu þremur barna- og unglingaæfingum og unnnið þær allar örugglega og þar af tvær síðustu með fullu húsi. Á æfingu 6. október fékk Kristófer Orri 5,5v í sex skákum. Annar varð Brynjar Steingrímsson með 5v og þriðji Franco Sótó með 4,5v. Á æfingu 13. október fékk Kristófer Orri 5v í fimm skáku. Aftur varð Brynjar annar og nú með 4v. Þriðja sætinu náði svo Jóhannes Guðmundsson með 3v eins og Kári Steinn og Damjan en hærri á stigum. Á æfingu sem haldin var 20. október sigraði Kristófer Orri með 5v í jafn mörgum skákum. Kári Steinn Hlífarsson varð annar með 3v eins og Franco Sótó en hærri á stigum.

Þeir sem tóku þátt í þessum æfingum voru: Kristófer Orri Guðmundsson, Brynjar Steingrímsson, Franco Sotó, Damjan Dagbjartsson, Sigurður Kjartansson, Jóhannes Guðmundsson, Sæþór Atli Harðarson, Hildur Berglind Jóhannsdóttir, Ólafur Örn Ólafsson, Kári Steinn Hlífarsson, Garðar Elí Jónasson og Smári Arnarson.