Páskaeggjamót Hellis fer fram næsta mánudag.

Páskaeggjamót  Hellis verður haldið mánudaginn 25. mars 2013, og hefst taflið kl. 17, þ.e. nokkru fyrr heldur en venjulegar mánudagsæfingar. Páskaeggjamótið kemur í stað mánudagsæfingar. Tefldar verða 7 umferðir með 7 mínútna umhugsunartíma. Mótið er opið öllum krökkum á grunnskólaaldri. Ókeypis er fyrir félagsmenn í Helli en fyrir aðra er þátttökugjald kr. 500. Keppt verður í tveimur flokkum eftir aldri. Skipting verður ákveðin með hliðsjón af skráningu þátttakenda í mótið en líkleg skipting er kringum árin 2003 og 2004. Skráning í mótið er hér á heimasíðu Hellis. Páskaegg verða í verðlaun fyrir þrjú efstu sætin í báðum flokkum. Auk þess fær sá sem efstur er á hverju aldursári páskaegg í verðlaun. Að auki verða tvö páskaegg dregin út og efsta stúlka í hvorum flokki fær páskaegg í verðlaun. Enginn fær þó fleiri en eitt páskaegg.

Páskaeggjamótið verður haldið í félagsheimili Hellis að Álfabakka 14a í Mjóddinni. Inngangur er milli Subway og Fröken Júlíu en salur félagsins er á þriðju hæð hússins.