Taflfélagið Hellir - hellir.blog.is

30.6.2007 | 00:13

Alþjóðleg starfsemi Hellis 1991-2007

Gunnar Björnsson skrifar:

Hellir var stofnaður árið 1991. Á þeim árum hefur félagið staðið fyrir 10 alþjóðlegum viðburðum en ekkert innlent félag hefur staðið fyrir sambærilegri alþjóðlegri starfsemi og Hellir þessi ár. Skoðum smá yfirlit yfir alþjóðlegt mótahald Hellis:

1993: Hellir International: Fyrsti viðburður félagsins var haldinn í Gerðubergi áður en félagið var tveggja ára. Haldið var 20 manna hálfopið mót. Enginn áfangi náðist en bæði Ágúst Sindri Karlsson og Helgi Áss Grétarsson voru nærri því. Drengirnir, sem stóðu þá að Helli og einnig að mótinu, og voru um hálfþrítugt urðu nærri gráhærðir þegar Helgi Ólafsson og Hannes Hlífar hurfu af vettvangi nokkrum klukkustundum fyrir mót til að taka þátt á EM landsliða. Það reddaðist þó því í þeirra í stað komu tveir þýskir stórmeistarar. Annar þeirra Markus Stangl sigraði á mótinu. Sá sem þetta er ritað er lokahófið minnisstætt en þá hélt Guðmundur G. ræðu. Guðmundur talaði á íslensku, ensku og þýsku sem verður seint jafnað!

1997: II Hellir International: Fjögur ár voru í næsta alþjóðlega mót Hellis sem haldið var í þáverandi húsnæði félagsins, Þönglabakka 1. Það var haldið með svipuðu fyrirkomulagi og það fyrra en var þó heldur opnara. Alls tóku 32 skákmenn þátt. Íslensku stórmeistararnir áttu allir slæmt mót og minnist ég þess að fréttamanni útvarps þótti það aðalfréttin. Sigurvegarar mótsins voru þýski alþjóðlegi meistarinn Ludger Keitlinghaus, sem náði sínum lokaáfanga að stórmeistaratitli, þýski stórmeistarinn Jörg Hickl og sænski stórmeistarinn Jonny Hector. Jón Viktor Gunnarsson náði áfanga að alþjóðlegum meistaratitli.

1999: Evrópukeppni taflfélaga: Hellir ásamt TR stóð hér fyrir einum riðli EM taflfélaga sem haldin var í Hellisheimilinu, sem þá var í Þönglabakka. Félagið stóð sig vel og hafnaði í 3. sæti. Ásamt Hellir tóku TR (5. sæti) og SA (7. sæti) þátt. Meðal keppenda var m.a. Alexander Morozevich, sem þá var fjórði stigahæsti skákmaður heims. Margeir Pétursson, sem tefldi með TR, gerði sér lítið fyrir og vann hann í hörkuskák.

2000: Svæðakeppni norðurlanda: Í tilefni 9 áraafmæli félagsins var sótt um að halda Svæðamót norðurlanda. Þrátt fyrir að fimm þjóðir, þ.e. allar nema Ísland vildu halda keppnina í Svíþjóð varð Ísland fyrir valinu. Teflt var í Þönglabakkanum. Hannes Hlífar var einn sigurvegara mótsins, en teflt var samkvæmt útsláttarfyrirkomulagi. Hinir voru sænski stórmeistarinn Evgenij Agrest og danski stórmeistarinn Sune Berg Hansen. Athygli vakti að Ulf Andersson skrópaði með stuttum fyrirvara, það stuttum að of seint var að fá nýja keppanda í hans stað. Enn gekk Jóni Viktori vel í Hellismóti en hann lagði Hector í einvígi. Einnig vakti sigur Margeirs, sem þá var hættur atvinnumennsku, á Curt Hansen athygli.

2002: Kögunareinvígið: Í tilefni 10 ára afmælis félagsins stóð félagið fyrir einvígi á milli Hannesar Hlífars og Nigel Short. Teflt var í Ráðhúsinu. Sá síðarnefndi var í miklu stuði og vann fremur öruggan sigur, þótt Hannes byrjaði vel. Teflt var með einvígisborðinu frá heimsmeistaraeinvíginu 1972. Ætli Fischer viti af því?

2003: Olíseinvígið: Enn á ný tefldi Hannes einvígi og að þessu sinni við slóvakíska stórmeistarann Sergei Movsesian. Sergei vann fremur öruggan sigur. Teflt er var í höfuðstöðum Olís og fór síðarnefndi á kostum. Samhliða mótinu sló Helgi Áss Grétarsson, þáverandi formaður félagsins, Íslandsmót í blindskákarfjöltefli. Andri Áss og Sigurður Áss komu svo og stálu senunni í fjölskyldumóti Hellis og unnu óvæntan sigur en meðal annarra keppenda voru Helgi Áss og Lenka og Karl og Egill Þorsteins.

2003: Alþjóðlegt unglingamót Hellis: Nú var kominn tími á unglingana. Fyrsta alþjóðlega unglingamótið á Íslandi var haldið um jólin 1993. Nú var teflt í núverandi Hellisheimili, Álfabakka 14a. 16 skákmenn tóku þátt og þar af 4 norskir. Atli Freyr Kristjánsson vann fremur öruggan sigur!

2006 KB banka mót Hellis: Hellir hélt 10 manna lokað mót um páskana 2006 í Hellisheimilinu. 10 skákmenn tóku þátt. Sigurvegari mótsins, sem tókst afar vel, var Sigurður Daði Sigfússon, sem jafnframt náði sínum fyrsta áfanga að alþjóðlegum meistaratitli.

2007: Kaupþingsmót Hellis og TR: Mótið var nú útvíkkað, og nafni mótsins breyst (enda styrktaraðilinn kominn með nýtt nafn!) og teflt í tveimur flokkum og TR-ingar fengir til liðs við Helli við mótshaldið. Mótið var haldið í TR. Litháinn Normunds Miezis fór hamförum í stórmeistaraflokki og sigraði örugglega. Enski alþjóðlegi meistarinn Robert Bellin sigraði í AM-flokki. Ingvar Þór Jóhannesson náði sínum öðrum áfanga að alþjóðlegum meistaratitli með frábærum árangri.

2007: Fiskmarkaðsmót Hellis: Bragi Þorfinnsson sigraði. Ekki þarf meira að fjalla um mótið að sinni enda nýlokið!

Auk þess hefur félagið staðið fyrir norðurlandamóti taflfélaga á Internetinu og tekið þátt í EM taflfélaga síðan 1997 að árinu 2000 undanskyldu. Félagið komst í 8 liða úrslit árið 1998 og náði 10. sæti á mótinu 2001 og var ná næstefst Vestur-evrópska taflfélaga, sem er besti árangur sem íslenskt taflfélag hefur náð eftir að núverandi fyrirkomulag var tekið upp.

Framtíðin: Félagið hefur boðið áframhaldandi alþjóðlega starfsemi og til stendur að þriðja alþjóðlega mót félagsins verði haldið síðar í ár og vonandi mun Kaupþingsmótin halda áfram um páskana! Að sjálfsögðu munu svo Íslandsmeistararnir taka þátt á EM taflfélaga, sem fram fer í Tyrklandi í október.

Gunnar Björnsson

Taflfélagið Hellir

Spil og leikir | Breytt s.d. kl. 18:33 | Slóð | Facebook | Athugasemdir (1)

29.6.2007 | 18:11

Uppgjör mótsins - það fyrra

Gunnar Björnsson skrifar:

Bragi Þorfinnsson vann góðan sigur á Fiskmarkaðsmóti Hellis sem fram fór 20.-27. júní. Bragi tefli afar vel á mótinu og átti t.d. tvo mjög góða sigra gegn Sarwat, hinum egypska, og Ingvari Þór Jóhannessyni, í lokaumferðinni þar sem fórnaði drottningunni. Aðeins eitt tap gegn Omari Salama þar sem hann gleymdi sér og féll á tíma. Flottur árangur!

Egyptinn Walaa Sarwat, sem mati eins "hornsérfræðings", var sterkasti keppandinn á mótinu. Hann mátti sætta sig við annað. Seigur skákmaður. Vann t.d. baráttusigur á Lenku og Hjörvari.

Þriðji varð Björn Þorfinnsson. Oft hefur heppnisstimpill verið tengdur Birni en svo var ekki nú. Hann var frekar óheppinn en hitt. Engu að síður munaði aðeins punkti að áfangi næðist sem segir manni að það er bara formsatriði fyrir Bjössa að klára síðasta áfangann. Skemmtilegustu skákarnar að vanda sérstaklega þó tapskákirnar tvær.

Í 4.-5. sæti urðu Ingvar Þór og Misiuga "okkar maður í TR", svo gripið sé í frasa af TR-síðunni. Ingvar Þór byrjaði hörmulega en lukkudísarnar ákváðu fremur að vera honum innanhandar en Bjössa að þessu sinni og vann fjórar skákir í röð! Ingvar mun án efa einnig klára síðasta áfangann á næstu misserum.

Misiuga var öflugur og greinilegt að þessi stig segja ekki nema hálfu sögu um styrkleika hans. Ákaflega viðkunnanlegur náungi.

Omar Salama, Hjörvar Steinn og Lenka urðu í 6.-8. sæti. Hjörvar hækkar um 20 stig og Omar um 12. Báðir ætla þeir í víking síðar í sumar. Lenka byrjaði vel en endaði illa.

Sævar varð níundi og var greinilega ekki í góðu skákformi að þessu sinni. Fonseca varð að sætta sig við hálfan punkt enda bersýnilega langslakasti keppandinn. Hann var þó bara þokkalega sáttur að leikslokum!

Ekki náðist því áfangi að þessu sinni. Þeir sem stóðu að mótin, þ.e. Hellir og þá fyrst og fremst Björn Þorfinnsson, sem var prímusmótor þess settu sér markmið um að gera þetta sem auðveldast enda allir starfsmenn mótsins í vinnu með. Það gekk upp og náðist afar góð og þægileg stemning á skákstað. Ekki skemmdi það að keppendur og aðstandendur keppenda kepptust við að bjóða upp á ljúffengar veitingar!

Ég þakka öllum keppendum fyrir skemmtilegt mót. Mikil barátta var á reitunum 64 reitum og má þar nefna að aðeins þrjú stutt jafntefli voru á mótin, eitt á milli hjóna, annað á milli bræðra og það þriðja "eðlilegt"!

Einnig að þakka öllum þeim sem sá sem að seðja munna keppenda og annarra. Eyjólfur fær þakkir fyrir innslátt en enginn er sneggri að koma frá sér skákum en hann. Skákskóli Íslands og Skáksamband Íslands fá þakkir fyrir lán á húsnæði en Hellisheimilið var ekki laust þar sem verið er að skipta um gólf.

Sérstakar þakkir fá þó Björn Þorfinnsson, fyrir góða framkvæmdastjórn, og Fiskmarkaður Íslands fyrir að styrkja á bakvið mótshaldið.

Nokkuð líklegt er að Hellir standi fyrir a.m.k. einu alþjóðlegu móti til viðbótar í ár. En meira um það síðar!

Björn Þorfinnsson hefur svo boðað djúsí uppgjör um helgina!

Gunnar Björnsson

Mynd: Bragi Þorfinnsson og Ingvar Þór Jóhannesson

Taflfélagið Hellir

Spil og leikir | Slóð | Facebook | Athugasemdir (1)

28.6.2007 | 12:51

Skákir níundu umferðar

Skákir níundu umferðar eru nú komnar á vefinn. Það var Eyjólfur Ármannsson, sem sér um innslátturinn, eins og ávallt á Hellismótum og þökkum við honum kærlega fyrir það.

Ég vil hvetja menn til að fylgjast áfram með vefnum enda eiga hér eftir að koma inn a.m.k. 1-2 pistlar um mótið.

Mynd: Verðlaunahafar mótsins, ásamt formanninum sem treður sér á allar myndi hafi hann kost á því!

Veljið skák (45 alls):

Taflfélagið Hellir

Spil og leikir | Slóð | Facebook | Athugasemdir (1)

27.6.2007 | 21:29

Mikið djöfulli er þetta djúsí.....

Björn Þorfinnsson skrifar: Þá er það undanfari bloggfærslunnar miklu sem kemur næstu daga. Ég er með munninn gjörsamlega úttroðinn af kínversk matreiddu svínakjöti sem Sævar mætti með - Húnn með bráð í kjafti er glaður Húnn. Alveg ótrúlega góður matur og gleði. Heimilisstemmingin hefur aldrei verið meiri og jafnast veislan núna á við veislurnar í Ólafsvík enda eiga kapparnir þar heiðurinn af þessu móti. Ég er farinn í freaking núðlurnar...until later.

kv. Bjössi

Taflfélagið Hellir

Spil og leikir | Slóð | Facebook | Athugasemdir (0)

27.6.2007 | 19:32

Bragi sigurvegari Fiskmarkaðsmótsins!

Bragi Þorfinnsson sigraði Ingvar Þór Jóhannesson í flottri skák í lokaumferð Fiskmarkaðsmótsins og braut þar enda á óslitna sigurgöngu Ingvars sem hafði unnið fjórar skákir í röð. Bragi fetaði í fótspor Björns bróður síns og fórnaði drottningunni gegn Ingvari í 15. leik. Aðeins sjö leikjum síðar mátti Ingvar gefast upp. Glæsiskák hjá Bragi og góður sigur á mótinu en enginn getur náð Braga að vinningum. Björn "bróðir" vann Sævar í lokaumferðinni og fékk 6 vinninga, vinningi frá áfanga.

Árangur Braga samsvarar 2463 skákstigum og hækkar hann um 9 stig fyrir frammistöðu sína.

Aðrar skákir eru enn í gangi enda eru engin stutt jafntefli samin hér. Einn áhorfenda og þekktur skákpabbi sagði mér að það væri ekki síður skemmtilegt að horfa á þetta mót en þar sem hinir stigahærri tefldu. Hér væru skákirnar ekki síðar skemmtilegar og barist til síðasta blóðdropa!

Á eftir ætlar Sævar Bjarnason að bjóða upp á kínverskar veitingar en eiginkona hans er kínversk. Má þar með segja að veitingar mótsins nái hámarki í lokin!

Taflfélagið Hellir

Spil og leikir | Slóð | Facebook | Athugasemdir (6)

27.6.2007 | 09:25

Skákir áttundu umferðar

Skákir áttundu og næstsíðustu umferðar Fiskmarkaðsmótsins eru nú aðgengilegar! Níunda umferð fer fram í kvöld og hefst kl. 17. Sævar Bjarnason ætlar þá að bjóða upp á kínverskar veitingar. Í gær voru ljúffengar tékkneskar veitingar í boði Lenku. ...

Lesa meira

Taflfélagið Hellir

Spil og leikir | Slóð | Facebook | Athugasemdir (0)

26.6.2007 | 21:54

Bragi í forystu!

Bragi Þorfinnsson sigraði Lenku Ptácníkovu í áttundu og næstsíðustu umferð Fiskmarkaðsmóti Hellis og er einn efstur með 6 vinninga því helsti andstæðingur hans egypski alþjóðlegi meistarinn gerði jafntefli við landa sinn Omar Salama og er annar með 5,5...

Lesa meira

Taflfélagið Hellir

Spil og leikir | Breytt 30.6.2007 kl. 07:41 | Slóð | Facebook | Athugasemdir (0)

25.6.2007 | 23:05

Skákir sjöundu umferðar - allar skákir komnar!

Skákir sjöundu umferðar Fiskmarkaðsmótsins eru nú komnar í hús. Reyndar vantar enn skák Hjörvars og Sarwats en henni verður væntanlega bætt við á morgun. Update, 26. júní 2007, kl. 9: 27: Búið að bæta við skák Sarwats og Hjörvars. Mynd: Omar í þungum...

Lesa meira

Taflfélagið Hellir

Spil og leikir | Breytt 26.6.2007 kl. 09:35 | Slóð | Facebook | Athugasemdir (1)

25.6.2007 | 21:56

Dramatísk umferð

Sjöunda umferð Fiskmarkaðsmótsins var tefld í kvöld og er óhætt að segja að hún hafi verið sú mest spennandi til þessa og dramatísk í þokkabót Bragi Þorfinnsson tapaði sinni fyrstu skák er hann gleymdi sér og féll á tíma gegn Omari Salama. Hjörvar...

Lesa meira

Taflfélagið Hellir

Spil og leikir | Slóð | Facebook | Athugasemdir (0)

25.6.2007 | 20:11

Hörkuskákir í gangi!

Það eru hörkuskákir í gangi í sjöundu umferð Fiskmarkaðsmótsins, sem nú er í gangi. Misiuga yfirspilaði Fonseca og Lenka vann Sævar Bjarnason. Allt stefnir í æsispennandi skák hjá Heiðrúnarmönnunum Ingvari og Birni þar sem sá síðarnefndi leggur allt...

Lesa meira

Taflfélagið Hellir

Spil og leikir | Slóð | Facebook | Athugasemdir (4)

Næsta síða »