Hraðskákkeppni taflfélaga að hefjast

Hraðskákkeppni taflfélaga, sem mun vera eina útsláttarkeppni taflfélaga í ár, mun hefjast eftir verslunarmannahelgi.  Þetta er í fjórtánda sinn sem keppnin fer fram en Taflfélag Reykjavíkur er núverandi meistari en Hellismenn hafa sigrað oftast eða sex sinnum.  

Áætlunin er sem hér segir:

1. umferð (u.þ.b. 12 liða úrslit): Skuli vera lokið um 20. ágúst
2. umferð (8 liða úrslit): Skuli vera lokið 31. ágúst
3. umferð (undanúrslit): Skuli vera lokið 10. september.
4. umferð (úrslit): Skal fara fram laugardaginn 20. september kl. 14.

Skráning til þátttöku rennur út 7. ágúst nk.    Forráðamenn taflfélaga eru vinsamlegast beðnir um að hafa samband við mig í netfangið [e-mail] eða í síma 820 6533.

Reglur keppninnar:

1. Sex manns eru í hvoru liði og tefld er tvöföld umferð, þ.e. allir í öðru liðinu tefla við alla í hinu liðinu. Samtals 12 umferðir, eða 72 skákir.
2. Heimalið sér um dómgæslu. Komi til deiluatriða er Ólafur S. Ásgrímsson yfirdómari keppninnar.
3. Varamenn mega koma alls staðar inn. Þó skal gæta þess að menn tefli ekki oftar en tvívegis gegn sama andstæðingi og hafi ekki sama lit í báðum skákunum.
4. Ætlast er til þess að þeir sem tefli séu fullgildir meðlimir síns félags. Aðeins má tefla með einu taflfélagi í keppninni.
5. Liðsstjórar koma sér saman um hvenær er teflt og innan tímaáætlunar.  Komi liðsstjórar sér ekki saman um dagsetningu innan tímaramma getur umsjónaraðili ákvarðað tímasetningu. 
6. Verði jafnt verður tefldur bráðabani. Það er tefld er einföld umferð þar sem dregið er um liti á fyrsta borði og svo hvítt og svart til skiptist. Verði enn jafnt verður áfram teflt áfram með skiptum litum þar til úrslit fást.
7. Heimalið bjóði upp á léttar veitingar, t.d. kaffi, gos, kökur eða kex.
8. Viðureignirnar skulu fara innan 100 km. radíus frá Reykjavík nema að félög komi sér saman um annað. 
9. Úrslitum skal koma til umsjónarmann eins fljótt og auðið er í netfangið [e-mail] og eigi síðar en 12 klukkustundum eftir að keppni lýkur.
10. Úrslit keppninnar verða ávallt aðgengileg á heimasíðu Hellis, www.hellir.blog.is, sem er heimasíða keppninnar, og á www.skak.is
11. Mótshaldið er í höndum Taflfélagsins Hellis sem sér um framkvæmd mótsins.  

Sigurvegarar frá upphafi:

• 1995: Taflfélag Reykjavíkur
• 1996: Taflfélagið Hellir
• 1997: Taflfélag Reykjavíkur
• 1998: Taflfélagið Hellir
• 1999: Skákfélag Hafnarfjarðar
• 2000: Taflfélagið Hellir
• 2001: Taflfélagið Hellir
• 2002: Taflfélagið Hellir
• 2003: Skákfélagið Hrókurinn
• 2004: Taflfélag Reykjavíkur
• 2005: Taflfélagið Hellir
• 2006: Taflfélag Reykjavíkur
• 2007: Taflfélag Reykjavíkur
• 2008: ????????

EM-lið Hellis

Hellir tekur þátt í EM talfélaga sem fram fer í Kallithea í Grikklandi dagana 17.-23. október nk.  Þetta er í 11 sinn sem félagið tekur þátt í mótinu á 12 árum.  Fyrst tók félagið þátt árið 1997 og hefur ávallt tekið þátt nema árið 2000.  

Lið Hellis skipa:

1. FM Róbert Harðarson (2362)
2. FM Ingvar Þór Jóhannesson (2342)
3. FM Sigurbjörn Björnsson (2316)
4. Hjörvar Steinn Grétarsson (2299)
5. Kristján Eðvarðsson (2245)
6. Omar Salama (2212)

Omar verður liðsstjóri liðsins.  

Auk Hellis eru bæði sveitir Taflfélags Reykjavíkur og Skákdeildar Hauka skráðar til leiks.  

• Heimasíða mótsins
• Chess-Results

Fjörlegu alþjóðlegu móti lokið

Fjörlegu alþjóðlegu móti Hellis lauk sl. miðvikudag.  Þar var hraustlega teflt og lítið um stutt jafntefli.  Franski stórmeistarinn Vladimir Lazarev vann fremur öruggan sigur fékk 7½ vinning eða tveimur vinningum meira en næstu menn.  Lazarev gerði 3 stutt jafntefli með svörtu en vann aðrar skákir.  Hann var reyndar hætt kominn gegn Magnúsi Erni í síðustu umferð auk þess sem Atli Freyr virtist hafa góða jafnteflismöguleika gegn honum.  Lazarev er hins grjótseigur og var kampakátur í mótslok en hann var nokkuð stressaður í mótsbyrjun enda ljóst að marga vinninga þyrfti í til að halda stigunum.

Björn Þorfinnsson og Róbert Harðarson urðu í 2.-3. sæti með 5½ vinning.  Birni virðist ekki vera ætlað að ná áfanga á Hellismóti og eins og svo oft áður munaði þar litlu.  Pólverjinn Misiuga hafði þar mikil áhrif enda vann hann bæði Björn og Róbert.   Róbert tefldi vel og virðist vera í hörkuformi.  Hann mun leiða sveit Hellis á EM talfélaga í Grikklandi í haust.  

Fjórði varð Sigurður Daði Sigfússon með  5 vinninga.  Ánægjulegt að sjá Daða aftur en hann hefur lítið teflt síðustu misseri.  Daði ætlar að fara að tefla á meira í haust og án efa mun AM-áfangar nást í hús.

Í 4.-5. sæti með 4½ vinning urðu Magnús Örn Úlfarsson og Andrzej Misiuga.   Magnús hefur lítið teflt síðustu ár enda verið í námi í Bandaríkjunum.    Magnús Örn  tefldi frísklega eins og t.d. má sjá í skák hans gegn Daða og en vantar kannski smá meiri leikæfingu.   Það verður gaman að fylgjast með honum í landsliðsflokki.  Misiuga er greinilega mun betri skákmaður en 2180 skákstig gefa til kynna.  Hann er traustur og verst vel og fannst mér íslensku skákmennirnir stundum ganga of "direct" til leiks gegn honum.   

Westerinen og Omar Salama fengu 4 vinning og urðu í 6.-7. sæti.  Þeir urðu einnig jafntefliskóngar mótsins með 6 jafntefli.  Heikki var hann kátasti í mótslok þrátt fyrir árangurinn.   Heikki hentar sennilega illa að tefla á lokuðum mótum.  Hann undirbýr sig ekki, hefur ekki tölvu, heldur treystir á hyggjuvitið.  Honum fannst gaman að vera á Íslandi að sumarlagi og skoðaði söfn af miklum krafti!   Omar Salama átti gott og hækkar á stigum.  Omar hefur bætt sig mikið síðan hann til landsins.

Hjörvar Steinn átti ekki gott mót.  Hann tefldi samt betur en vinningarnir gáfu til kynna en hlutirnir féllu ekki með honum.  Hann hafnaði held ég þremur jafnteflisboðum í skákum sem hann tapaði svo.  Hjörvar hefur verið að bæta sig jafnt og þétt og það er ekki óeðlilegt þótt eitt og eitt "áfall" verði.   

Atli Freyr fékk 1½ vinning.  Það þýðir samt að hann lækkar aðeins um 3 stig.  Rétt eins og Hjörvar tefldi Atli betur en vinningarnir gáfu til kynna.  Honum vantar meiri reynslu og mun örugglega fá fleiri vinninga á næsta móti!

Skákstjórar voru Vigfús Vigfússon, Davíð Ólafsson og undirritaður.  Eyjólfur Ármannsson sem um innslátt og eins og venjulega ákaflega fljótur að koma skákunum frá sér sem gleður íslenska skákáhugamenn.  Daði Örn lét svo hana Rykbu skoða skákirnar.    Auk þess fá Grétar og Hjördís foreldrar Hjörvar þakklæti fyrir alla þeirra aðstoð sem og Omar sem einnig var óþreytandi og alltaf viljugur þegar til hans var leitað.  

Fiskmarkaður Íslands og Skáksamband Íslands fá svo sérstakt þakklæti fyrir stuðning sinn við mótshaldið.  Skákskóla Íslands þökkum við svo fyrir að lána okkur húsnæði!

Ég vona að framhald verði á slíku mótshaldi  Það er tiltölulega lítil vinna að skipuleggja svo lítið mót og upphæðirnar eru frekar litlar sé vel haldið um fjármálin.  

Gunnar Björnsson

Unglingastarfsemi Hellis

Unglingastarfsemi Hellis liggur í dvala yfir sumarið.  Unglingaæfingar Hellis hefjast aftur mánudaginn 25. ágúst.  Nánar kynnt þegar nær dregur.  

Mótadagskrá Hellis

Félagið er nú í sumarfríi. 

Þann 18. ágúst nk. fer fram Borgarskákmótið í Ráðhúsi Reykjavíkur.  Verður nánar auglýst þegar nær dregur.   

Unglingaæfingar félagsins hefjast aftur mánudaginn 25. ágúst nk.  Verður nánar kynnt þegar nær dregur.   

Íslenskt mótaalmanak má finna hér.