Vigfús efstur á stigamóti Hellis

Vigfús Ó. Vigfússon (1994) er efstur með fullt hús að loknum fjórum umferðum á Stigamóti Hellis sem hófst í kvöld í húsnæði SÍ. Dawid Kolka (1640) er annar með 3,5 vinning. Tefld var atskák í kvöld. í atskákinni bar það helst til tíðinda að Heimir Páll Ragnarsson vann Dag Ragnarsson. Fimm skákmenn hafa 3 vinninga.

Fimmta og sjötta umferð fara fram á morgun en á morgun verður tefld kappskák.

• Heimasíða Hellis
• Chess-Results

Stigamót Hellis fer fram 24. - 26. apríl

Stigamót Taflfélagsins Hellis verður haldið í ellefta sinn sinn dagana 24.-26. apríl. Fyrirkomulag mótsins hefur verið mismunandi í gegnum tíðina en að þessu sinni er mótið haldið í kringum sumardaginn fyrsta þannig að keppendur munu eiga frí helgina á eftir.

Góð verðlaun eru í boði á mótinu og mótið er opið öllum. Teflt verður í húsnæði Skáksambands Íslands í Faxafeni 12. Skráning á mótið er á heimasíðu Hellis: http://www.hellir.blog.is. Upplýsingar um þegar skráða keppendur má finna hér.

Þátttökugjöld eru kr. 3.000 fyrir fullorðna og 2.000 kr. fyrir 15 ára og yngri og rennur óskipt í verðlaunasjóð mótsins.  

Núverandi Stigameistari Hellis er Davíð Kjartansson.

Umferðatafla:

• 1.-4. umferð, miðvikudaginn 24. apríl (19:30-23:30)
• 5. umferð, fimmtudaginn 25. apríl (11-15)
• 6. umferð, fimmtudaginn 25. apríl (17-21)
• 7. umferð, föstudaginn 26. apríl (19:30-23:30)

Verðlaun:

• 1. 50% af þátttökugjöldum
• 2. 30% af þátttökugjöldum
• 3. 20% af þátttökugjöldum

Skráning: 

• Vefsíða: http://www.hellir.blog.is
• Sími: 866 0116 (Vigfús eða símsvari)

Tímamörk:

• 1.-4. umferð: 20 mínútur + 5 sekúndur á leik
• 5.-7. umferð: 1½ klst. + 30 sekúndur á leik

Dawid og Axel Óli efstir á Hellisæfingu þann 15. apríl

Á æfingunni sem haldin var 15. apríl sl. var skipt í eldri og yngri flokk eins og gert hefur verið á síðustu æfingum. Til viðbótar fara svo þeir sem hafa skákstig allir í eldri flokkinn og sigurvegari í yngri flokki á síðustu æfingu. Í elldri flokki voru úrslitn mjög einföld þannig að það þurfti engan stigaútreikning. Dawid Kolka sigraði með 4,5v af fimm mögulegum. Í öðru sæti var Óskar Víkingur Davíðsson með 4 vinninga. Þriðji var svo Felix Steinþórsson með 3,5v. Í yngri flokki þurfti hins vegar að reikna stig til að sker úr um sigurvegara og þriðja sætið. Jafnir með 4,5v í sex skákum voru þeir félagar úr c-sveit Salaskóla Axel Óli Sigurjónsson og Sindri Snær Kristófersson með 4,5 en Axel Óli var stigahærri og hlaut 1. sætið en Sindri Snær 2. sætið. Næstir komu Þorsteinn Emil Jónsson og Stefán Karl Stefánsson með 4v og eftir stigaútreikning fékk Þorsteinn Emil þriðja sætið en Stefán Karl það fjórða.

Í æfingunni tóku þátt: Dawid Kolka, Óskar Víkingur Davíðsson, Felix Steinþórsson, Brynjar Bjarkason, Bárður Örn Birkisson, Mikhael Kravchuk, Björn Hólm Birkisson, Heimir Páll Ragnarsson,  Halldór Atli Kristjánsson, Sigurður Kjartansson, Helgi Svanberg Jónsson, Alec Sigurðarson, Egill Úlfarsson, Axel Óli Sigurjónsson, Sindri Snær Kristófersson, Þorsteinn Emil Jónsson, Stefán Karl Stefánsson, Stefán Orri Davíðsson, Baltasar Máni Wetholm, Birgir Logi Steinþórsson, Tinni Teitsson, Brynjar Haraldsson, Ívar Andri Hannesson, Gunnlaugur Einarsson og Adam Omarsson.

Næsta æfing verður svo mánudaginn 22. apríl nk. og hefst kl. 17.15. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

Felix og Egill efstir á Hellisæfingu

Æfingin sem haldin var 8. apríl sl. var tvískipt.  Í fyrri hlutanum var skipt í nokkra hópa. Þeir sem lengst eru komnir æfðu sig í að máta með biskup og riddara. Næstu hópar æfðu sig í spánska leiknum og fyrir þá sem höfðu minnsta reynslu var farið í mát með drottningu, tveimur hrókum og svo hrók auk þess sem litið var á andspænið. Eftir að þátttakendur höfðu gætt sér á pizzum um miðja æfinguna var skipt um gír og tekið til við að tefla. Þar sem æfingin var hálfnuð þurfti að láta 4 umferðir með 7 mínútna umhugsunartíma nægja. Teflt var í tveimur flokkum og voru þrír efstir jafnir með 3v í eldri flokki en það voru Felix Steinþórsson, Birgir Ívarsson og Dawid Kolka. Eftir tvöfaldan stigútreikning og innbyrðis viðureign var Felix úrskurðaður sigurvegari og Birgir Ívarsson í öðru sæti og Dawid Kolka í því þriðja. Í yngri flokki var Egill Úlfarsson efstur með 3,5v og er þetta í fyrsta sinn sem hann vinnur yngri flokki. Hann fær því að spreyta sig í eldri flokknum næst þegar skipt verður. Annar var Stefán Karl Stefánsson með 3v og þriðji Axel Óli Sigurjónsson með 2,5v.

Í æfingunni tóku þátt: Felix Steinþórsson, Birgir Ívarsson, Dawid Kolka, Oddur Þór Unnsteinsson, Óskar Víkingur Davíðsson, Alec Elías Sigurðarson, Sigurður Kjartansson, Heimir Páll Ragnarsson, Halldór Atli Kristjánsson, Egill Úlfarsson, Stefán Karl Stefánsson, Axel Óli Sigurjónsson, Tinni Teitsson, Birgir Logi Steinþórsson, Sindri Snær Kristófersson, Stefán Orri Davíðsson, Ívar Andri Hannesson, Baltasar Máni Wetholm og Adam Omarsson.

Næsta æfing verður svo mánudaginn 15 apríl nk. og hefst kl. 17.15. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

Stigamót Hellis fer fram 24. - 26. apríl

Stigamót Taflfélagsins Hellis verður haldið í ellefta sinn sinn dagana 24.-26. apríl. Fyrirkomulag mótsins hefur verið mismunandi í gegnum tíðina en að þessu sinni er mótið haldið í kringum sumardaginn fyrsta þannig að keppendur munu eiga frí helgina á eftir. Góð verðlaun eru í boði á mótinu og mótið er opið öllum. Teflt verður í húsnæði Skáksambands Íslands í Faxafeni 12. Skráning á mótið er á heimasíðu Hellis: http://www.hellir.blog.is

Þátttökugjöld eru kr. 3.000 fyrir fullorðna og 2.000 kr. fyrir 15 ára og yngri og rennur óskipt í verðlaunasjóð mótsins. 

Núverandi Stigameistari Hellis er Davíð Kjartansson.

Umferðatafla:

• 1.-4. umferð, miðvikudaginn 24. apríl (19:30-23:30)
• 5. umferð, fimmtudaginn 25. apríl (11-15)
• 6. umferð, fimmtudaginn 25. apríl (17-21)
• 7. umferð, föstudaginn 26. apríl (19:30-23:30)

Verðlaun:

• 1. 50% af þátttökugjöldum
• 2. 30% af þátttökugjöldum
• 3. 20% af þátttökugjöldum

Skráning:

• Vefsíða: http://www.hellir.blog.is
• Sími: 866 0116 (Vigfús eða símsvari)

Tímamörk:

• 1.-4. umferð: 20 mínútur + 5 sekúndur á leik
• 5.-7. umferð: 1½ klst. + 30 sekúndur á leik