Vignir Vatnar efstur á æfingu

Vignir Vatnar Stefánsson sigraði örugglega á fyrstu æfingu á nýju ári sem haldin var 7. janúar 2013. Vignir vann alla fimm andstæðinga sína. Næstir með 4v voru Bárður Örn Birkisson, Brynjar Bjarkason og Halldór Atli Kristjánsson með 4v. Eftir stigaútreikning fékk Bárður annað sætið, Brynjar þriðja sætið og Halldór Atli það fjórða. Á milli 4. og 5. umferðar var svo boðið upp á pizzur í tilefni af því að nýtt ár er gengið í garð.

Í æfingunni tóku þátt: Vignir Vatnar Stefánsson, Bárður Örn Birkisson, Brynjar Bjarkason, Halldór Atli Kristjánsson, Mikhael Kravchuk, Björn Hólm Birkisson, Dawid Kolka, Birgir Ívarsson, Felix Steinþórsson, Helgi Svanberg Jónsson, Óskar Víkingur Davíðsson, Brynjar Haraldsson, Tinni Teitsson, Sindri Snær Kristófersson, Þorsteinn Emil Jónsson, Pétur Ari Pétursson, Alec Sigurðarson, Ívar Andri Hannesson, Stefán Orri Davíðsson, Birgir Logi Steinþórsson, Stefán Karl Stefánsson, Gunnlaugur Einarsson, Ágúst Óli Ólafsson, Egill Úlfarsson, Adam Omarsson og Oddur Unnsteinsson.

Næsta æfing verður svo mánudaginn 14. janúar nk. og hefst kl. 17.15. Þá verður teflt í tveimur flokkum eftir aldri og hvor þátttakendur hafi skákstig. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

Barna- og unglingaæfingar Hellis hefjast aftur eftir jólafrí mánudaginn 7. janúar 2013.

Barna- og unglingaæfingar Hellis hefjast aftur eftir jólafrí mánudaginn 7. janúar 2013. Taflið byrjar kl. 17:15 og fyrirkomulagið verður það sama og fyrir áramót.  Æfingarnar eru opnar öllum 15 ára og yngri. Engin þátttökugjöld.

Æfingarnar verða haldnar í félagsheimili Hellis í Álfabakka 14a, Mjódd. Inngangur er við hliðina á Subway en salur félagsins er á þriðju hæð hússins. Á æfingunum verða 5 eða 6 umferðir með umhugsunartíma 10 eða 7 mínútur. Einnig verður farið í dæmi og endatöfl eins og tíma vinnst til. Umsjón með æfingunum hefur Vigfús Ó. Vigfússon.

Vignir Vatnar efstur í stigkeppninni á Hellisæfingunum

Vignir Vatnar Stefánsson er efstur í stigakeppni Hellisæfinganna með 29 stig. Annar er Dawid Kolka með 24 stig og þriðji Hilmir Freyr Heimisson með 16 stig. Það hefur verið mætt vel á æfingarnar á haustmisseri en það hafa 18 þátttakendur mætt á 12 eða fleiri æfingar af 17 mögulegum. Þar af hafa þrír mætt á þær allar en það eru Alec Sigurðarson, Óskar Víkingur Davíðsson og Sindri Snær Kristófersson. Næsta æfing verður svo á nýju ári 7. janúar 2013 og hefst kl. 17.15. Æfingarnar eru í Álfabakka 14a í Mjóddinni. Inngangur milli Fröken Júlíu og Subway og salurinn er á 3 hæð.

Í lok vetrar verða veitt bókaverðlaun handa þeim sem mætt hafa best yfir veturinn og til þeirr sem sýnt hafa verulegar framfarir yfir veturinn. Staðan í stigakeppninni og listi yfir þá sem hafa mætt best er hér fyrir neðan.

Með besta mætingu eru:

Alec Elías Sigurðarson              17 mætingar

Óskar Víkingur Davíðsson          17 ----"-----

Sindri Snær Kristófersson          17 ----"------

Birgir Ívarsson                          16 ----"------

Brynjar Haraldsson                   16 ----"------

Dawid Kolka                              16 ----"------

Felix Steinþórsson                    16 ----"------

Halldór Atli Kristjánsson           16 ----"------

Heimir Páll Ragnarsson            16 ----"------

Oddur Þór Unnsteinsson          16 ----"------

Stefán Karl Stefánsson            15 ----"------

Vignir Vatnar Stefánsson         14 ----"------

Bárður Örn Birkisson                13 ----"------

Björn Hólm Birkisson                13 ----"------

Egill Úlfarsson                          12 ----"------

Ívar Andri Hannesson              12 ----"------

Mikhael Kravchuk                     12 ----"------

Sigurður Kjartansson               12 ----"------

Efstir í stigakeppninni:

1. Vignir Vatnar Stefánsson                 29 stig

2. Dawid Kolka                                     24   -

3. Hilmir Freyr Heimisson                     16  -

4. Felix Steinþórsson                           10  -

5. Mikhael Kravchuk                             7  -

Atkvöld hjá Helli mánudaginn 7. janúar

Taflfélagið Hellir heldur atkvöld mánudaginn 7. janúar nk. og hefst taflið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með fimmtán mínútna umhugsun. Teflt er í félagsheimili Hellis í Álfabakka 14a í Mjóddinni. 

Sigurvegarinn á hraðkvöldinu fær í verðlaun máltíð fyrir einn á Saffran. Einnig verður dreginn út af handahófi annar keppandi sem einnig fær máltíð fyrir einn á Saffran. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri)

Guðmundur Gíslason bikarmeistari Hellis

Guðmundur Gíslason sigraði á jólabikarmóti Hellis sem fram fór 28. desember sl. Guðmundur fékk 12,5v í 15 skákum og missti aðeins 2v niður. Þessir vinningar fóru í fyrri hluta mótsins. fyrst með tapi fyrir Hallgerði í 2. umferð og svo með jafnteflum í 5. og 6. umferð gegn Erni Leó og Lenku. Eftir það var Guðmundur alveg óstöðvandi og náði forystunni eftir 9. umferð af Stefáni Bergssyni sem sigraði á mótinu á síðasta ári. Að lokum stóðu bara Guðmundur og Lenka Ptácniková eftir en stað Guðmundar var betri með eitt tap og tvö jafntefli en Lenka með 3 töp og tvö jafntefli. Þetta gaf Guðmundi færi á því að afgreiða málin strax sem hann gerði með því að vinna Lenku í lokaskák mótsins. Á meðan tefldu Páll andrason og Örn Leó Jóhannsson úrslitaskák um þriðja sætið og hefði þar Páll betur. 

Lokastaðan

1.    Guðmundur Gíslason                    12,5v/15

2.    Lenka Ptácniková                         10v/15

3.    Páll Andrason                                 9,5v/15

4.    Örn Leó Jóhannsson                      8,5v/15

5.    Oliver Aron Jóhannesson               7,5v/13

6.    Jón Trausti Harðarson                    7,5v/13

7.    Stefán Bergsson                            7v/12

8.    Vignir Vatnar Stefánsson               6,5v/12

9.    Stefán Már Pétursson                    6,5v/12

10.  Hallgerður Helga Þorsteinsdóttir    5,5v/11

11.  Vigfús Ó. Vigfússon                        5,5v/11

12.  Hjálmar Sigurvaldason                   5v/10

13.  Elsa María Kristínardóttir                4,5v/10

14.  Birkir Karl Sigurðsson                      4v/9

15.  Kristófer Jóel Jóhannesson             4v/9

16.  Eggert Ísólfsson                              4v/9

17.  Andri Steinn Hilmarsson                  3v/8

18.  Jóhanna Björg Jóhannsdóttir          2v/7

19.  Björgvin Kristbergsson                    2v/7

20.  Hörður Jónasson                             2v/7

21.  Arnar Ingi Pálsson                           1v/7