Hraðkvöld hjá Helli mánudaginn 19. september

Taflfélagið Hellir heldur hraðkvöld mánudaginn 19. nóvember nk. og hefst taflið kl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun máltíð fyrir einn á Saffran. Einnig verður dreginn út af handahófi annar keppandi sem einnig fær máltíð fyrir einn á Saffran. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Örn Leó sigraði á hraðkvöldi 12. nóvember

Örn Leó Jóhannsson sigraði á hraðkvöldi sem fram fór 12. nóvember. Örn Leó fékk 6v í sjö skákum og tapaði ekki skák en gerði tvö jafntefli við Pál Andrason og Elsu Maríu. Annar varð Dagur Ragnarsson með 5v og jöfn í 3.-4. sæti með 4,5v voru Páll Andrason og Elsa María Kristínardóttir. Örn Leó dró svo Kristján Inga í happdrættinu en báðir fá þeir í verðlaun máltíð fyrir einn á Saffran.

Næsta skákkvöld í Hellisheimilinu verður næstkomandi mánudagskvöld 19. nóvember kl. 20. Þá verður einnig hraðkvöld.

Lokastaðan á hraðkvöldinu:

Röð   Nafn                         Vinningar M-Buch. Buch. Progr.

  1   Örn Leó Jóhannsson,              6       21.0  29.5   24.0
  2   Dagur  Ragnarsson,               5       20.5  28.5   21.0
 3-4  Páll Andrason,                   4.5     21.5  31.0   21.5
      Elsa María Kristínardóttir,      4.5     19.5  26.0   18.5
5-10  Vigfús Ó. Vigfússon,             4       21.0  29.5   16.0
      Jon Olav Fivelstad,              4       20.0  28.0   20.0
      Gauti Páll Jónsson,              4       18.5  24.0   15.0
      Jón Úlfljótsson,                 4       18.0  24.5   15.0
      Gunnar Nikulásson,               4       17.0  23.5   12.0
      Hermann Ragnarsson,              4       16.5  24.0   16.0
 11   Kristján Ingi Mikaelsson,        3.5     14.5  19.0   13.0
 12   Andri Steinn Hilmarsson,         3       17.0  22.0   10.0
 13   Bjarni Guðmundsson,              2.5     18.5  25.0   11.0
 14   Björgvin Kristbergsson,          2       14.5  19.0    6.0
 15   Erik Daniel Jóhannesson,         1       16.0  22.0    5.0

Dawid efstur í eldri flokki og Mikhael í yngri flokki á æfingu 12. nóvember

Á æfingunni 12. nóvember sl. var teflt í tveimur flokkum eftir aldri og hvort þátttakendur væru með skákstig. Auk þess bættust Óskar og Halldór Atli sem unnu yngri flokkinn í þau tvö skipti sem þetta fyrirkomulag hefur verið áður.

Í eldri flokki voru Dawid Kolka og Hilmir Freyr efstir og jafnir með 4v en eftir tvöfaldan stigaútreikning fékk Dawid fyrst sætið og Hilmir annað sætið. Þriðji varð svo Bárður Örn Birkisson með 3,5v. Baráttan í þessum flokki var mjög jöfn og spennandi og úrslit voru ekki ljós fyrr en síðustu skák lauk. Í öllum umferðum var tíminn nýttur vel og tók þessi flokkur mun lengri tíma en yngri flokkurinn.

Í yngri flokki var Mikhael Kravchuk öruggur sigurvegari með 5v í jafn mörgum skákum. Annar var Burkni Björnsson með 4v og þriðja sætið fékk svo Brynjar Bjarkason með 3v og hærri stig en Stefán Karl Stefánsson, Axel Óli Sigurjónsson og Egill Úlfarsson sem einnig voru með 3v.

Í æfingunni tóku þátt: Dawid Kolka, Hilmir Freyr Heimisson, Bárður Örn Birkisson. Heimir Páll Ragnarsson, Halldór Atli Kristjánsson, Björn Hólm Birkisson, Óskar Víkingur Davíðsson, Felix Steinþórsson, Alec Elías Sigurðarson, Oddur Þór Unnsteinsson, Jón Otti Sigurjónsson, Birgir Ívarsson, Mikhael Kravchuk, Burkni Björnsson, Brynjar Bjarkason, Stefán Karl Stefánsson, Axel Óli Sigurjónsson, Egill Úlfarsson, Pétur Ari Pétursson, Stefán Orri Davíðsson, Sindri Snær Kristófersson, Kristófer Stefánsson, Ívar Andri Hannesson, Brynjar Haraldsson, Kristófer Snorri Daníelsson og Alexander Jósef Daníelsson.

Næsta æfing verður svo mánudaginn 19. nóvember nk. og hefst kl. 17.15. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

Hraðkvöld hjá Helli mánudaginn 12. nóvember

Taflfélagið Hellir heldur hraðkvöld mánudaginn 12. nóvember nk. og hefst taflið kl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun máltíð fyrir einn á Saffran. Einnig verður dreginn út af handahófi annar keppandi sem einnig fær máltíð fyrir einn á Saffran. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Arnar Gunnarsson atskákmeistari Reykjavíkur - Vigfús Ó.Vigfússon atskákmeistari Hellis

Arnar Gunnarsson sigraði örugglega á atskákmóti Reykjavíkur sem haldið var 5. nóvember sl. Arnar steig varla feilspor í mótinu og vann allar skákir sínar sex að tölu. Arnar er því atskákmeistari Reykjavíkur 2012 og er þetta í fjórða sinn sem hann hampar titlinum. Annar varð Vigfús Ó. Vigfússon með 5v. Vigfús færði sér í nyt að stigahærri skákmönnum voru mislagðar hendur í nokkrum skákum og náði þannig eftir harða baráttu við þá sem ruddu honum brautina að sækja annað sætið. Jafnir í 3-5 sæti með 4,5v voru svo Einar Hjalti Jensson, Dagur Ragnarsson og Jóhann Helgi Sigurðarson. Vigfús er atskákmeistari Hellis 2012 sem efstur Hellismanna og er þetta í annað sinn sem hann fær þann titil en í fyrra skiptið var Arnar einnig sigurvegari mótsins.

Næsta skákkvöld í Hellisheimilinu verður næstkomandi mánudagskvöld 12. nóvember kl. 20. Þá verður hraðkvöld.

Lokastaðan á Atskákmóti Reykjavíkur:

 Röð  Nafn                             Vinn.   M-Buch. Buch. Progr.

  1   Arnar Gunnarsson,                 6        15.0  23.0   21.0
  2   Vigfús Ó. Vigfússon,              5        14.5  22.5   18.0
 3-5  Einar Hjalti Jensson,             4.5      16.0  24.0   16.5
      Dagur Ragnarsson,                 4.5      14.0  19.0   16.5
      Jóhann Helgi Sigurðsson,          4.5      13.5  21.0   16.0
 6-8  Örn Leó Jóhannsson,               4        17.5  25.5   16.0
      Jon Olav Fivelsted,               4        11.5  18.0   13.0
      Ingi Tandri Traustason,           4        10.5  16.0   13.0
9-13  Elsa María Kristínardóttir,       3.5      16.0  23.0   15.0
      Hallgerður Helga Þorsteinsdóttir, 3.5      15.0  23.5   15.0
      Oliver Aron Jóhannesson,          3.5      13.0  19.5   12.5
      Þorvarður F. Ólafsson,            3.5      13.0  18.0   13.0
      Páll  Andrason,                   3.5      12.0  18.0   12.5
14-19 Gunnar Örn Haraldsson,            3        14.0  21.5   13.0
      Óskar Maggason,                   3        12.5  20.0   11.0
      Jóhanna Björg Jóhannsdóttir,      3        11.5  17.0   12.0
      Arsenij Zacharov,                 3        11.5  17.0   10.0
      Aðalsteinn Thorarensen,           3        10.0  16.0    8.0
      Jakob Alexander Petersen,         3        10.0  14.5    7.0
20-26 Dagur Kjartansson,                2        12.5  17.5    7.0
      Róbert Leó Jónsson,               2        12.0  18.0    8.0
      Pétur Jóhannesson,                2        11.0  17.0    6.0
      Andri Steinn Hilmarsson,          2        11.0  15.5    6.0
      Kristófer Jóel Jóhannesso,        2        10.5  15.5    8.0
      Alec Sigurðarson,                 2        10.0  15.0    6.0
      Árni Thoroddsen,                  2         7.5  12.0    5.0
27-28 Bjarni Þór Guðmundsson,           1.5      10.0  14.5    3.5
      Erik Daníel Jóhannesson,          1.5       9.0  13.0    4.5
 29   Björgvin Kristbergsson,           1        10.5  16.5    2.0