Hraðkvöld hjá Helli mánudaginn 29. október nk.

Taflfélagið Hellir heldur hraðkvöld mánudaginn 29. október nk. og hefst taflið kl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun máltíð fyrir einn á Saffran. Einnig verður dreginn út af handahófi annar keppandi, sem fær pizzu hjá Dominos Pizzum. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Unglingameistarmót Hellis hefst mánudaginn 29. október.

Unglingameistaramót Hellis 2012 hefst mánudaginn 29. október n.k. kl. 16.³⁰ þ.e. nokkru fyrr heldur en venjulegar mánudagsæfingar. Mótinu verður svo fram haldið þriðjudaginn 30. október n.k. kl. 16.^30.  Tefldar verða 7 umferðir eftir Monrad kerfi. Fyrri keppnisdaginn verða fjórar skákir og þrjár þann seinni. Umhugsunartími á hverja skák er 20 mínútur. Mótið er opið öllum 15 ára og yngri en titilinn sjálfan getur aðeins félagsmaður í Helli unnið. Á meðan á mótinu stendur falla venjulegar barna- og unglingaæfingar niður. Næsta barna- og unglingaæfing verður mánudaginn 5. nóvember n.k.  Keppnisstaður er Álfabakki 14a og er salur félagsins á þriðju hæð. Engin þátttökugjöld.

 

Umferðatafla:

 

1.-4. umferð:               Mánudaginn 29. október kl. 16.³⁰

5.-7. umferð:               Þriðjudaginn 30. október kl. 16.³⁰

 

Verðlaun:

 

1.   Unglingameistari Hellis fær farandbikar til varðveislu í eitt ár.

2.   Þrír efstu fá verðlaunagripi til eignar.

3.   Allir keppendur fá skákbók.

4.   Þrír efstu 12 ára og yngri fá verðlaunapening.

5.   Stúlknameistari Hellis fær verlaunagrip til eignar.

 

Rétt er að minna keppendur á að slökkva á farsímum sínum meðan á mótinu stendur því í þessu móti verður umhugsunartíminn minnkaður um helming ef síminn hringir hjá keppanda meðan á skák stendur.

Oliver Aron efstur á hraðkvöldi

Oliver Aron Jóhannesson sigraði á hraðkvöldi Hellis sem fram fór 22. október. Oliver leyfði aðeins eitt jafntefli á æfingunni gegn Jóni Úlfljótssyni en vann aðra andstæðinga sina og endaði með 6,5v sem öruggur sigurvegari. Næstur varð Örn Leó Jóhannsson með 5,5v og þriðji varð Dagur Ragnarsson með 5v.

Næsta skákkvöld í Hellisheimilinu verður næstkomandi mánudagskvöld 29. október kl. 20. Þá verður einnig hraðkvöld.

Lokastaðan á hraðkvöldinu:

Röð   Nafn                      Vinn.    M-Buch. Buch. Progr.

  1   Oliver Aron Jóhannesson,   6.5      21.0  29.0   25.0
  2   Örn Leó Jóhannsson,        5.5      22.0  31.5   22.5
  3   Dagur Ragnarsson,          5        20.0  28.5   22.0
 4-6  Jón Úlfljótsson,           4.5      22.5  33.0   20.0
      Páll Andrason,             4.5      19.5  26.0   19.5
      Dawid  Kolka,              4.5      18.5  27.5   19.5
7-11  Vigfús Ó. Vigfússon,       4        21.5  29.5   20.0
      Bjarni Þór Guðmundsson,    4        18.5  26.0   18.0
      Gunnar Nikulásson,         4        18.5  26.0   15.0
      Kristján Halldórsson,      4        16.5  23.5   16.0
      Andri Steinn Hilmarsson,   4        16.0  21.5   14.0
12-13 Hafliði Hafliðason,        3.5      18.5  24.0   12.5
      Steinþór Baldursson,       3.5      15.0  21.0   12.0
14-16 Finnur Kr. Finnsson,       3        19.0  25.5   12.0
      Jökull Jóhannsson,         3        17.0  24.0   14.0
      Tómas Árni Jónsson,        3        15.0  22.5   11.0
17-18 Björgvin Kristbergsson,    2.5      17.0  23.0    8.5
      Felix Steinþórsson,        2.5      14.5  22.5    9.0
19-20 Erik Daníel Jóhannsson,    2        14.5  20.0    6.0
      Arnór Ingi Pálsson,        2        13.5  18.5    6.0
 21   Pétur Jóhannesson,         1.5      15.5  21.5    5.5

 

Hilmir Freyr með fullt hús á æfingu

Hilmir Freyr Heimisson sigraði á æfingu sem haldin var 22. október. Hilmir fékk 5v í jafn mörgum skákum. Næstir með 4v komu Dawid Kolka, Felix Steinþórsson og Jón Otti Sigurjónsson. Dawid tefldi úrslitskák við Hilmi í lokaumferðinni svo það kom ekki á óvart að hann hlaut annað sætið á stigum. Felix og Jón Otti töpuðu báðir í annari umferð en Felix andstæðingar Felix stóðu sig betur á æfingunni svo hann hlaut þriðja sætið á stigum.

Í æfingunni tóku þátt: Hilmir Freyr Heimisson, Dawid Kolka, Felix Steinþórsson, Jón Otti Sigurjónsson, Björn Hólm Birkisson, Óskar Víkingur Davíðsson, Birgir Ívarsson, Sigurður Kjartansson, Brynjar Haraldsson, Bárður Örn Birkisson, Halldór Atli Kristjánsson, Mikael Kravchuk, Axel Óli Sigurjónsson, Heimir Páll Ragnarsson, Þorsteinn Magnússon, Stefán Karl Stefánsson, Alec Elías Sigurðarson, Stefán Orri Davíðsson, Ívar Andri Hannesson, Sindri Snær Kristófersson, Hilmir Jónsson, Egill Úlfarsson og Dawid Cabaj.

Næsta mánudaginn 29. október nk. verður ekki venjuleg æfing heldur verður þá unglingameistaramót Hellis sem hefst nokkru fyrr en venjuleg æfing eða kl. 16.30. Tefldar verða fjórar umferðir á mánudaginn og verður fram haldið þriðjudaginn 30. október kl. 16.30 þegar þrjár síðustu umferðirnar verða tefldar. Starfsemi félagsins er í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

 

Hraðkvöld hjá Helli mánudaginn 22. október.

Taflfélagið Hellir heldur hraðkvöld mánudaginn 22. október nk. og hefst taflið kl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Einnig verður dreginn út af handahófi annar keppandi, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).