Taflfélagið Hellir - hellir.blog.is

14.9.2013 | 15:51

Verðlaunahafar á Meistaramóti Hellis.

Búið er að finna út alla verðlaunahafa á Meistarmóti Hellis sem er nýlokið. Ungir og efnilegir skákmenn fengu flest verðlaunin en gömlu brýnin minntu líka á sig og tóku sinn skerf af kökunni. Oliver Aron Jóhannesson sigraði örugglega á meistaramótinu með 6v í sjö skákum. Oliver tapaði ekki skák í mótinu en gerði tvö jafntefli, við Kjartan Maack og Sverrir Örn Björnsson. Jafnir í 2.-4. sæti með 5 vinninga urðu Kjartan Maack, Sverrir Örn Björnsson og Vignir Vatnar Stefánsson. Kjartan tapaði ekki heldur skák í mótinu en jafnteflin voru fjögur. Sverrir Örn og Vignir Vatnar náðu verðlaunasæti með góðum endaspretti eftir ágjöf í byrjun móts.

Búið er að finna út verðlaunasæti mótsins en þau skipa:

Aðalverðlaun:

1. Oliver Aron Jóhannesson

2.-4. Kjartan Maack, Sverrir Örn Björnsson og Vignir Vatnar Stefánsson.

Aukaverðlaun:

•Skákmeistari Hellis: Vigfús Ó. Vigfússon.

•Besti árangur undir 2200 skákstigum: Oliver Aron Jóhannesson.
•Besti árangur undir 1800 skákstigum: Vignir Vatnar Stefánsson.
•Besti árangur undir 1600 skákstigum: Felix Steinþórsson.
•Besti árangur stigalausra: Hörður Jónasson

•Unglingaverðlaun (15 ára og yngri), 1.vl. Dawid Kolka, 2. vl. Gauti Páll Jónsson, 3.vl. Heimir Páll Ragnarsson.
•Kvennaverðlaun, Veronika Steinunn Magnúsdóttir.

Miðað var við alþjóðleg skákstig.

Taflfélagið Hellir

Mót | Slóð | Facebook | Athugasemdir (0)

13.9.2013 | 11:37

Aðalfundur Hellis verður haldinn fimmtudaginn 19. september

Aðalfundur Taflfélagsins Hellis verður haldinn fimmtudaginn 19. september og hefst kl. 20. Venjuleg aðalfundarstörf eins og yfirferð ársskýrslu og kosning stjórnar.

Félagið hvetur félagsmenn til að fjölmenna

Taflfélagið Hellir

Skák | Slóð | Facebook | Athugasemdir (0)

13.9.2013 | 01:13

Hraðkvöld hjá Helli mánudaginn 16. september nk.

Taflfélagið Hellir heldur hraðkvöld mánudaginn 16. september nk. og hefst taflið kl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun máltíð fyrir einn á Saffran. Einnig verður dreginn út af handahófi annar keppandi sem einnig fær máltíð fyrir einn á Saffran. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Taflfélagið Hellir

Hraðkvöld Hellis | Slóð | Facebook | Athugasemdir (0)

13.9.2013 | 01:09

Dawid Kolka efstur á æfingu.

Dawid Kolka sigraði með fullu húsi 6v í jafn mörgum skákum á æfingu sem fram fór 9. september sl. Annar varð Óskar Víkingur Davíðsson með 5v og þriðji Alec Elías Sigurðarson með 4v. Það voru sem sagt þeir sömu í verðlaunasæti og á fyrstu æfingunni en röðin var aðeins önnur.

Í æfingunni tóku þátt: Dawid Kolka, Óskar Víkingur Davíðsson, Alec Elías Sigurðarson, Birgir Ívarsson, Oddur Þór Unnsteinsson, Brynjar Haraldsson, Halldór Atli Kristjánsson, Egill Úlfarsson, Róbert Luu, Adam Omarsson, Sindri Snær Kristófersson og Ívar Andri Hannesson.

Næsta æfing verður svo mánudaginn 16. september nk. og hefst kl. 17.15. Stefnt er að því að skipta þá í tvo flokka eftir aldri og stigum ef þátttaka leyfir. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.

Taflfélagið Hellir

Unglingastarfsemi | Breytt s.d. kl. 01:12 | Slóð | Facebook | Athugasemdir (0)

10.9.2013 | 20:52

Oliver öruggur sigurvegari Meistaramóts Hellis, Vigfús skákmeistari Hellis

Oliver Aron Jóhannesson (2008) er öruggur sigurvegari Meistaramóts Hellis en mótinu lauk í gærkvöldi. Oliver Aron vann stigahæsta keppendann, Jón Árna Halldórsson (2213) í lokaumferðinni í gær. Í 2.-4. sæti með 5 vinninga urðu Kjartan Maack (2128), Sverrir Örn Björnsson (2100) og Vignir Vatnar Stefánsson (1780). Vignir vann Mikael Jóhann Karlsson (2068) í lokaumferðinni og vann fimm síðustu skákirnar í röð!

Úrslit lokaumferðinnar má finna hér.

Vigfús Ó. Vigfússon (1994), sem hlaut 4½ vinning, varð efstur félagsmanna Hellis og er því skákmeistari félagsins í fyrsta sinn. Ungu ljónin úr Álfhólsskóla, Dawid Kolka (1609) og Felix Steinþórsson (1510) urðu næstefstir Hellisbúa með 4 vinninga.

Lokastöðu mótsins má nálgast hér.

Nánar verður greint frá aukaverðlaunahöfum síðar.

Skákir sjöundu umferðar fylgja með sem viðhengi. Það var Paul Frigge sem sló sk´kirnar inn.

Veljið skák (17 alls):

Taflfélagið Hellir

Mót | Breytt 13.9.2013 kl. 00:55 | Slóð | Facebook | Athugasemdir (0)

8.9.2013 | 08:23

Lokaumferð Meistaramóts Hellis fer fram á mánudag

Sjöunda og síðasta umferð meistaramóts Hellis fer fram mánudaginn 9. september í félagsheimili Hellis í Mjódd og hefst taflið kl. 19:30. Nokkuð hefur verið um óvænt úrslit en Oliver Aron Jóhannesson (2008) er efstur með 5 vinninga að lokinni sjöttu...

Lesa meira

Taflfélagið Hellir

Spil og leikir | Breytt s.d. kl. 08:30 | Slóð | Facebook | Athugasemdir (0)

5.9.2013 | 17:27

Pistill Hilmis Freys Heimissonar frá Politiken Cup í Helsingør, Danmörku.

27. júlí – 4. ágúst 2013 Eftir þægilegt ferðalag til Helsingør vorum við komin á áfangastað um kl.14:00 á staðartíma. Við gistum í LO-skolen sem einnig var skákstaður. LO- skolen er falleg bygging með mörgum listaverkum og ranghölum. Útsýnið er...

Lesa meira

Taflfélagið Hellir

Spil og leikir | Breytt s.d. kl. 17:34 | Slóð | Facebook | Athugasemdir (0)

5.9.2013 | 02:38

Oliver Aron efstur fyrir lokaumferðina á Meistaramóti Hellis

Oliver Aron Jóhannesson (2008) er efstur með 5 vinninga að lokinni sjöttu umferð Meistaramóts Hellis sem fram fór í kvöld. Oliver gerði í kvöld jafntefli Sverri Örn Björnsson (2100). Spennan er mikil á mótinu en fjórir keppendur koma í humátt á eftir...

Lesa meira

Taflfélagið Hellir

Skák | Slóð | Facebook | Athugasemdir (0)

5.9.2013 | 00:07

Skákir 6. umferðar í Meistaramóti Hellis

Hérna koma skákir 6. umferðar í Meistaramóti Hellis. Paul Frigge sá um innslátt skáka.

Lesa meira

Taflfélagið Hellir

Skákir | Slóð | Facebook | Athugasemdir (0)

4.9.2013 | 17:17

Allar skákir Meistaramóts Hellis 2012 í einni skrá.

Búið er að taka saman allar skákir meistaramóts Hellis 2012 saman í eina skrá og er hægt að skoða þeir í viðhengi. Það var Paul Frigge sem sló þær inn og Steinþór Baldursson sem tók þær saman í eina skrá.

Lesa meira

Taflfélagið Hellir

Skákir | Slóð | Facebook | Athugasemdir (0)

« Fyrri síða | Næsta síða »