Unglingastarfsemi Hellis

Unglingastarfsemi Hellis liggur í dvala yfir sumarið.  Unglingaæfingar Hellis hefjast aftur mánudaginn 25. ágúst.  Nánar kynnt þegar nær dregur.  

Mótadagskrá Hellis

Félagið er nú í sumarfríi. 

Þann 18. ágúst nk. fer fram Borgarskákmótið í Ráðhúsi Reykjavíkur.  Verður nánar auglýst þegar nær dregur.   

Unglingaæfingar félagsins hefjast aftur mánudaginn 25. ágúst nk.  Verður nánar kynnt þegar nær dregur.   

Íslenskt mótaalmanak má finna hér.  

Almennt um Helli

Hér má finna grundvallarupplýsingar um Helli:

• Sími félagsins: 866 0116
• Netfang: [e-mail]
• Veffang: www.hellir.blog.is
• Heimilisfang: Álfabakki 14a, Mjódd, (3. hæð - hurð til vinstri)
• Póstfang: Pósthólf 9454, 129 Reykjavík
• Kennitala: 470792-2489
• Reikningsnúmer: 0319-26-845
• Formaður félagsins er Vigfús Ó. Vigfússon, sími 866 0116 og netfang [e-mail]

Titilhafar Hellis

Stórmeistarar:

• Jóhann Hjartarson
• Lenka Ptácníková

Alþjóðlegir meistarar::

• Björn Þorfinnsson
• Guðfríður Lilja Grétarsdóttir
• Karl Þorsteins

FIDE-meistarar í Helli:

• Andri Áss Grétarsson
• Davíð Ólafsson
• Ingvar Ásmundsson (látinn)
• Ingvar Þór Jóhannesson
• Magnús Örn Úlfarsson
• Róbert Harðarson
• Sigurbjörn J. Björnsson
• Sigurður Daði Sigfússon

Alþjóðegir skákdómarar í Helli:

• Gunnar Björnsson

Alþjóðlegir viðburðir Hellis

Á stuttum aldri hefur Hellir staðið fyrir fjölda alþjóðlegra skákviðburða.

• 1993: Alþjóðlegt skákmót. 20 keppendur. Sigurvegari Markus Stangl.
• 1997: Alþjóðlegt skákmót. 32 keppendur. Sigurvegarar Ludger Keitlinghaus, Jörg Hickl og Jonny Hector. Jón Viktor Gunnarsson náði áfanga að alþjóðlegum meistaratitli
• 1999: Evrópukeppni taflfélaga. 8 taflfélög tóku þátt. Einn undanrásariðill keppninnar var haldin í Hellisheimilinu en að mótshaldinu stóð einnig TR. Siguverari keppninnar var rússneski klúbburinn Sibir Tomsk og tók þátt í úrslitum keppninnar. Hellir hafnaði í 3. sæti.
• 2000: Svæðamót norðurlanda. 24 keppendur. Sigurvegar: Hannes Hlífar Stefánsson, Evgenij Agrest og Sune Berg Hansen.
• 2002: VIII Guðmundur Arasonar mótið - Köguneinvígið. Einvígi Hannesar Hlífars Stefánssonar og Nigels Shorts þar sem hinn síðarnefndi hafði betur.
• 2003: Olís-einvígið: Einvígi Hannesar Hlífars Stefánssonar og Sergeis Movsesjans sem sigraði einvígið. Samhliða einvíginu fóru fram ýmsir viðburðir og sló Helgi Áss Grétarsson m.a. Íslandsmetið í blindskák.
• 2003: Alþjóðlegt unglingamót.  Alls tóku 16 skákmenn, þar af fjórir erlendir.   Atli Freyr Kristjánsson sigraði.
• 2006: KB banka mótið.  Alls tóku 10 keppendur þátt þar af fjórir erlendir.  Sigurður Daði Sigfússon sigraði og náði áfanga að alþjóðlegum meistaratitli.
• 2007: Kaupþingsmót Hellis og TR.  Teflt í tveimur 10 manna flokkum.  Normunds Miezis sigraði í stórmeistaraflokki en Robert Belliní AM-flokki.  Ingvar Þór Jóhannesson náði AM-áfanga
• 2007: Fiskmarkaðsmót Hellis.   10 manna flokkur.  Bragi Þorfinnsson sigraði!
• 2008: Alþjóðlegt unglingamót, Sverrir Þorgeirsson með fjögurra sigurvegara á afar vel heppnuðu alþjóðlegu unglingamóti.2
• 2008: Alþjóðlegt skákmót:  Franski stórmeistarinn Vladimir Lazarev sigraði.  Björn Þorfinnsson og Róbert Harðarson urðu í 2.-3. sæti. 
• Hellir hefur tekið þátt í Evrópukeppni taflfélaga frá 1997 að árinu 2000 undanskyldu.

Afrekaskrá Hellis

Taflfélagið Hellir var stofnað árið 1991. Frá upphafi hefur félagið verið í fremstu röð taflfélaga. Félagið er áhugamannafélag, en rekur þó umfangsmikla starfsemi. Unglingastarf félagsins hefur verið það öflugasta á landinu undanfarin ár. Þá hefur félagið haldið uppi reglulegu almennu starfi og sérstakri kvennastarfsemi. Félagið hefur á undanförnum árið haldið ýmsa alþjóðaviðburði, eins og t.a.m. fyrsta alþjóðlega barna og unglingamótið og haldið keppnir íslenskra skákmanna við sterka erlenda skákmenn. Þrátt fyrir þetta er félagið kannski lítið þekkt meðal almennings, enda hafa kraftarnir farið í að byggja upp skákstarfið innan frá.

Félagsmenn Hellis eru í fararbroddi í íslensku skáklífi og hafa undanfarin ár unnið marga titla. Fjórir af tíu íslenskum stórmeisturum, 3 alþjóðlegir meistarar, meirihluti kvennalandsliðsins og stór hluti unglingalandsliðsins eru félagsmenn í Helli. Þeir titlar og áfangar sem félagsmenn hafa m.a. unnið undanfarin ár eru:

• Íslandsmeistarar taflfélaga 1999, 2000, 2005 og 2007 
• Íslandsmeistarar taflfélaga (unglingar) 2003, 2004, 2005, 2007 og 2008 (5 skipti af 6!)
• Norðurlandameistarar taflfélaga 2000 og 2004
• Íslandsmeistari karla 1998, 1999, 2001, 2002, 2003, 2004, 2005 og 2006
• Íslandsmeistari kvenna 1997, 2001, 2003, 2004, 2006  og 2008
  
• Íslandsmeistari í atskák 1999, 2000, 2002, 2003 og 2007
• Íslandsmeistari öldunga 2001
• Íslandsmeistari í netskák 1996, 1999, 2001 og 2004
• Íslandsmeistari barna 2003 og 2004 (10 ára og yngri)
• Unglingameistari Íslands (yngri en 20 ára) 2002, 2007 og 2008
• Drengjameistari Íslands 2002, 2004, 2005 og 2007
• Stúlknameistari Íslands 1998, 1999, 2000, 2001, 2002, 2003, 2004, 2005 ,2007 og 2008 (10 af síðustu 11 árum!)
• Íslandsmeistari í skólaskák (yngri flokkur) 2002, 2004 og 2005
• Íslandsmeistari í skólaskák (eldri flokkur) 2005, 2008 og 2009 
• Meistarar Skákskóla Íslands: 2008
• Þátttaka í Evrópukeppni taflfélaga 1997, 1998, 2000, 2001, 2002, 2003, 2004, 2005, 2006 , 2007 og 2008
• Þátttaka í Evrópukeppni taflfélaga, kvennaflokkur, 2003
• Íslandsmet í blindskákarfjöltefli 2003
• Evrópumet í kvennafjöltefli 2003

Skákmeistarar Hellis

Hér má finna skákmeistara Hellis og sigurvegara á ýmsum mótum félagsins frá stofnun.

Í sviga má finna sigurvegara móts ef annar er meistari félagsins.


Skákmeistarar Hellis
Mótið var atskákmót fyrstu þrjú árin.

• 1992: Andri Áss Grétarsson
• 1993: Þröstur Þórhallsson
• 1994: Þröstur Þórhallsson
• 1995: Snorri Guðjón Bergsson (Þröstur Þórhallsson)
• 1996: Andri Áss Grétarsson
• 1997: Björn Þorfinnsson (Hrannar Baldursson)
• 1998: Björn Þorfinnsson (Sigurbjörn J. Björnsson)
• 1999: Björn Þorfinnsson (Sigburbjörn J. Björnsson)
• 2000: Davíð Kjartansson (Sævar Bjarnason)
• 2001: Davíð Ólafsson
• 2002: Björn Þorfinnsson
• 2003: Björn Þorfinnsson (Björn Þorsteinsson, Davíð Kjartansson og Björn Þorfinnsson)
• 2004: Björn Þorfinnsson
• 2005: Sigurður Daði Sigfússon
• 2006: Omar Salama
• 2007: Björn Þorfinnsson
• 2008: Bjarni Jens Kristinsson (Henrik Danielsen)
• 2009: Davíð Ólafsson
• 2010: Hjörvar Steinn Grétarsson
• 2011: Hjörvar Steinn Grétarsson
• 2012: Sigurbjörn Björnsson

Kvennaskákmeistarar Hellis:

• 1999: Anna Lilja Gísladóttir (Áslaug Kristinsdóttir)
• 2000: Anna Lilja Gísladóttir
• 2001: Lenka Ptácníková
• 2002: Guðfríður Lilja Grétarsdóttir (Guðlaug Þorsteinsdóttir)
• 2003: Lenka Ptácníková
• 2004: Guðfríður Lilja Grétarsdóttir

Unglingameistarar Hellis:

• 1995: Egill Guðmundsson (Davíð Kjartansson)
• 1996: Bragi Þorfinnsson
• 1997: Davíð Kjartansson
• 1998: Benedikt Örn Bjarnason (Sigurður Páll Steindórsson)
• 1999: Hjörtur Ingvi Jóhannsson (Dagur Arngrímsson)
• 2000: Hafliði Hafliðason
• 2001: Hilmar Þorsteinsson
• 2002: Hilmar Þorsteinsson
• 2003: Atli Freyr Kristjánsson (Arnar Sigurðsson)
• 2004: Hjörvar Steinn Grétarsson
• 2005: Hjörvar Steinn Grétarsson
• 2006: Hjörvar Steinn Grétarsson
• 2007: Hjörvar Steinn Grétarsson
• 2008: Hjörvar Steinn Grétarsson

Stúlknameistarar Hellis

• 2002: Elsa María Þorfinnsdóttir

Atskákmeistarar Hellis:

Mótið er jafnframt Atskákmót Reykjavíkur

 

• 1999: Bragi Þorfinnsson (Jón Viktor Gunnarsson)
• 2000: Kristján Eðvarðsson
• 2001: Davíð Ólafsson
• 2002: Björn Þorfinnsson
• 2003: Sigurður Daði Sigfússon
• 2004: Vigfús Ó. Vigfússon (Arnar E. Gunnarsson)
• 2005: Hrannar Baldursson (Jón Viktor Gunnarsson)
• 2006: Baldur A. Kristinsson (Arnar E. Gunnarsson)
• 2007: Sigurbjörn Björnsson (Henrik Danielsen)
• 2008: Davíð Ólafsson

Hraðskákmeistarar Hellis:

• 1995: Davíð Ólafsson
• 1996: Andri Áss Grétarsson
• 1997: Hannes Hlífar Stefánsson
• 1998: Bragi Þorfinnsson
• 1999: Davíð Ólafsson (Jón Viktor Gunnarsson)
• 2000: Bragi Þorfinnsson
• 2001: Helgi Áss Grétarsson
• 2002: Björn Þorfinnsson
• 2003: Björn Þorfinnsson
• 2004: Sigurbjörn J. Björnsson
• 2005: Sigurður Daði Sigfússon (Jón Viktor Gunnarsson)
• 2006: Hrannar Baldursson
• 2007: Björn Þorfinnsson (Jón Viktor Gunnarsson)
• 2008: Gunnar Björnsson
• 2009: Davíð Ólafsson
• 2010: Björn Þorfinnsson
• 2011: Hjörvar Steinn Grétarsson
• 2012: Davíð Ólafsson
• 2013: Hjörvar Steinn Grétarsson
• 2014: Hallgerður Helga Þorsteinsdóttir
• 2015: Hjörvar Steinn Grétarsson
• 2016: Hjörvar Steinn Grétarsson
• 2017: Hjörvar Steinn Grétarsson

Íslandsmeistarar í netskák:

• 1996: Þráinn Vigfússon
• 1997: Benedikt Jónasson
• 1998: Róbert Harðarson
• 1999: Davíð Kjartansson
• 2000: Stefán Kristjánsson
• 2001: Helgi Áss Grétarsson
• 2002: Arnar E. Gunnarsson
• 2003: Arnar E. Gunnarsson
• 2004: Stefán Kristjánsson
• 2005: Arnar E. Gunnarsson
• 2006: Snorri G. Bergsson (Omar Salama)
• 2007: Stefán Kristjánsson
• 2008: Arnar E. Gunnarsson

Íslandsmeistarar í netskák (áhugamannaflokkur (undir 1800 stigum)):

• 1996: Davíð Kjartansson
• 1997: Sverrir Unnarsson
• 1998: Hjörtur Þór Daðason
• 1999: Ellert Berndsen
• 2000: Páll Sigurðsson (TG)
• 2001: Sigurður Ingason
• 2002: Tómas Veigar Sigurðarson
• 2003: Kristján Örn Elíasson
• 2004: Björn Kafka
• 2005: Ágúst Bragi Björnsson
• 2006: Tómas Veigar Sigurðarson
• 2007: Einar Garðar Hjaltason
• 2008: Hannes Frímann Hrólfsson

Íslandsmeistarar í netskák (byrjendaflokkur (stigalausir)):

• 1996: Þórður Harðarson
• 1997: Sigurgeir Höskuldsson
• 1998: Birgir Ævarsson
• 1999: Páll Sigurðsson (Helli)
• 2000: Sigurður A. Jónsson
• 2001: Gunnar Th. Gunnarsson
• 2002: Hlynur Gylfason
• 2003: Unnar Ingvarsson
• 2004: Gunnar Gunnarsson
• 2005: Aron Ellert Þorsteinsson
• 2006: Gunnar Gunnarsson
• 2007: Kjartan Tryggvason
• 2008: Gunnar Gunnarsson

Bikarmeistarar Eddu útgáfu:
Hét Bikarkeppni Striksins árið 2001 og Bikarkeppni Halló! árið 2002 en Bikarsyrpa Eddu útgáfu frá árinu 2003.

• 2001: Helgi Áss Grétarsson
• 2002: Arnar E. Gunnarsson
• 2003: Arnar E. Gunnarsson
• 2004: Þorsteinn Þorsteinsson
• 2005: Snorri G. Bergsson

Undir 2100 stigum:

• 2001: Ingvar Þór Jóhannesson
• 2002: Hrannar Baldursson
• 2003: Hrannar Baldursson
• 2004: Hrannar Baldursson
• 2005: Jóhann H. Ragnarsson

Undir 1800 stigum:

• 2001: Sigurður Ingason
• 2002: Tómas Veigar Sigurðarson
• 2003: Kjartan Már Másson
• 2004: Kristján Örn Elíasson
• 2005: Ágúst Bragi Björnsson

Stigalausir:

• 2001: Páll Gunnarsson
• 2002: Þórður Harðarson
• 2003: Birgir Þorvaldsson
• 2004: Gunnar Gunnarsson
• 2005: Haraldur R. Karlsson

Unglingaverðlaun

• 2003: Bjarni Jens Kristinsson
• 2004: Ágúst Bragi Bragi Björnsson
• 2005: Ingvar Ásbjörnsson

Kvennaverðlaun:

• 2003: Lenka Ptátcniková
• 2004: Lenka Ptácníková
• 2005: Lenka Ptácníková

Öldungaverðlaun:

• 2004: Ingvar Ásmundsson
• 2005: Ingvar Ásmundsson

Atskákmót Reykjavíkur:
Haldið annaðhvert ár af Helli frá og með árinu 1996. Árið 1995 héldu Hellir og TR mótið í sameiningu. Jafnframt Atskákmót Hellis þegar Hellir heldur mótið frá og með árinu 2000.

• 1992: Helgi Ólafsson
• 1993: Hannes Hlífar Stefánsson
• 1994: Andri Áss Grétarsson
• 1995: Hannes Hlífar Stefánsson
• 1996: Kristján Eðvarðsson
• 1997: Hrannar Baldursson
• 1998: Jón Viktor Gunnarsson
• 1999: Sigurður Daði Sigfússon
• 2000: Kristján Eðvarðsson
• 2001: Kristján Eðvarðsson (keppni féll niður)
• 2002: Björn Þorfinnsson
• 2003: Jón Viktor Gunnarsson
• 2004: Arnar E. Gunnarsson
• 2005: Jón Viktor Gunnarsson
• 2006: Arnar E. Gunnarsson
• 2007: Arnar E. Gunnarsson (Henrik Danielsen)
• 2008: Davíð Ólafsson

Sigurvegar í Hraðskákkeppni taflfélaga:
Keppnin hét Hraðskákkeppni taflfélaga á suðvesturlandi þar til 2001.

• 1995: Taflfélag Reykjavíkur
• 1996: Taflfélagið Hellir
• 1997: Taflfélag Reykjavíkur
• 1998: Taflfélagið Hellir
• 1999: Skákfélag Hafnarfjarðar
• 2000: Taflfélagið Hellir
• 2001: Taflfélagið Hellir
• 2002: Taflfélagið Hellir
• 2003: Skákfélagið Hrókurinn
• 2004: Taflfélag Reykjavíkur
• 2005: Taflfélagið Hellir
• 2006: Taflfélag Reykjavíkur
• 2007: Taflfélag Reykjavíkur
• 2008: Taflfélag Reykjavíkur

Norðurlandamót taflfélaga:

• 2000: Taflfélagið Hellir
• 2001: Asker (Noregur)
• 2002: Sollentuna (Svíþjóð)
• 2003: Skákfélagið Hrókurinn
• 2004: Taflfélagið Hellir
• 2005: Oslo Schakselskap (Noregur)

Klúbbakeppni Hellis og TR:
Hét Klúbbakeppni Hellis þar til árið 2002

• 1997: Skákklúbbur Iðnskólans
• 1998: Fischer-klúbburinn
• 1999: Póló & Bjarki
• 2000: Strákarnir í taflfélaginu
• 2001: Heiðrún
• 2002: BDTR
• 2003: Heiðrún
• 2004: Heiðrún

Sigurvegarar í Borgarskákmótinu (haldið af Helli og TR):
Hellir hefur haldið mótið ásamt TR frá og með 1993.

• 1986: Íslenska álfélagið (Helgi Ólafsson)
• 1987: Hótel Loftleiðir (Jón L. Árnason
• 1988: Bílaborg (Karl Þorsteins)
• 1989: VISA-Ísland (Þröstur Þórhallsson)
• 1990: Íslenskir aðalverktakar (Þröstur Þórhallsson)
• 1991: Nesti (Haukar Angantýsson)
• 1992: Eimskip (Helgi Áss Grétarsson)
• 1993: Dagvist barna (Héðinn Steingrímsson)
• 1994: Sveinsbakarí (Helgi Áss Grétarsson)
• 1995: Búnaðarbanki Íslands (Margeir Pétursson)
• 1996: Íslenskir aðalverktakar (Hannes Hlífar Stefánsson)
• 1997: Gras efnavörur (Arnar E. Gunnarsson)
• 1998: Hrói Höttur (Jón Garðar Viðarsson)
• 1999: MP verðbréf (Margeir Pétursson)
• 2000: Innkaupastofnun Reykjavíkurborgar (Helgi Ólafsson)
• 2001: Verkfræðistofan Afl (Hannes Hlífar Stefánsson)
• 2002: Hlöllabátar (Hannes Hlífar Stefánsson)
• 2003: NASA (Helgi Ólafsson)
• 2004: SPRON (Jón Viktor Gunnarsson)
• 2005: RST-Net (Arnar E. Gunnarsson)
• 2006: Menntasvið Reykjavíkurborgar (Arnar E. Gunnarsson)
• 2007: RARIK (Stefán Kristjánsson)
• 2008: ÍSTAK (Þröstur Þórhallsson)

Sigurvegarar á Mjóddarskákmótinu

Mmótið hét Firmakeppni Hellis og TR árið 1997, Fyrirtækjakeppni Hellis árið 1998, Kosningamót Hellis árið 1999 en hefur heitið Mjóddarmót Hellis síðan árið 2000:

• 1997: Veitingahúsið Ítalía (Þröstur Þórhallsson)
• 1998: Námsflokkar Reykjavíkur (Hannes Hlífar Stefánsson)
• 1999: Símvirkinn (Hannes Hlífar Stefánsson)
• 2000: ESSO (Þorsteinn Þorsteinsson)
• 2001: Fröken Júlía (Snorri G. Bergsson) og Orkuveita Reykjavíkur (Helgi Áss Grétarsson)
• 2002: Framfarafélagið í Mjódd (Björn Þorfinnsson)
• 2003: Suzuki-bíkar (Arnar E. Gunnarsson)
• 2004: Sorpa (Arnar E. Gunnarsson)
• 2005: Nettó í Mjódd (Arnar E. Gunnarsson)
• 2006: Dýraland - Gæludýraverslun (Davíð Ólafsson)
• 2007: Happdrætti Háskóla Íslands (Arnar E. Gunnarsson) og Suzuki bílar (Bragi Halldórsson)
• 2008: Gissur og Pámi (Bragi Halldórsson) og Glitnir (Arnar E. Gunnarsson)
• 2009: Marel (Hjörvar Steinn Grétarsson)

Sigurvegarar á Jólapakkaskákmótum Hellis:
Teflt er ávallt í fjórum flokkum.

• 1996: Bragi Þorfinnsson og Bergsteinn Einarsson, Elí Bæring Frímannsson, Stefán Freyr Guðmundsson og Dagur Arngrímsson, Árni Ólafsson og Benedikt Örn Bjarnason
• 1997: Davíð Kjartansson, Guðjón Heiðar Valgarðsson, Guðmundur Kjartansson, Atli Freyr Kristjánsson
• 1998: Guðjón Heiðar Valgarðsson, Dagur Arngrímsson, Benedikt Örn Bjarnason, Hafliði Hafliðason og Guðmundur Kjartansson, Ragnar Leósson og Guðmundur Dagur Jónasson
• 1999: Guðjón Heiðar Valgarðsson, Dagur Arngrímsson og Víðir Smári Petersen, Viðar Berndsen og Haraldur Franklín Magnús og Helgi Brynjarsson
• 2000: Grímur Daníelsson, Guðmundur Kjartansson, Gylfi Davíðsson og Ásgeir Mogensen
• 2001: Féll niður
• 2002: Dagur Arngrímsson, Sverrir Þorgeirsson og Ingvar Ásbjörnsson, Hjörvar Steinn Grétarsson og Kristján Daði Finnbjörnsson
• 2003: Benedikt Örn Bjarnason, Helgi Brynjarsson, Hjörvar Steinn Grétarsson og Axel Máni Sigurðsson
• 2004: Daði Ómarsson, Jóhanna Björg Jóhannsdóttir og Svanberg Már Pálsson, Brynjar Ísak Arnarsson og Dagur Andri Friðgeirsson og Emil Sigurðarson og Hrund Hauksdóttir
• 2005: Daði Ómarsson, Hjörvar Steinn Grétarsson, Friðrik Þjálfi Stefánsson, Guðmundur Kristinn Lee, Brynjar Ísak Arnarson og Dagur Arndri Friðgeirsson og Daníel Hákon Friðgeirsson
• 2006: Drengir: A: Hjörvar Steinn Grétarsson og Helgi Brynjarsson, B: Dagur Andri Friðgeirsson, C. Friðrik Þjálfi Stefánsson og Skúli Guðmundsson.  Stúlkur: A: Jóhanna Björg Jóhannsdóttir og Tinna Kristín Finnbogadóttir, B: Birta Össurardóttir og Geirþrúður Anna Guðmundsdóttir, C: Hrund Haukdóttir, D: Hildur Berglind Jóhannsdóttir
• 2007: Drengir: A: Svanberg Már Pálsson, Einar Ólafsson og Páll Andrason, B: Friðrik Þjálfi Stefánsson, C: Dagur Ragnarsson og Theódór Örn Inacio og D: Daníel Bjarki Stefánsson.  Stúlkur:  A: Jóhanna Björg Jóhannsdóttir, B: Hrund Hauksdóttir, C: Sonja María Friðriksdóttir, Diljá Guðmundsdóttir og Tara Davíðsdóttir og D: Hildur Berglind Jóhannsdóttir.
• 2008: Drengir: A: Patrekur Maron Magnússon og Hörður Aron Hauksson, B: Friðrik Þjálfi Stefánsson, C: Óliver Jóhannesson og D: Guðjón Páll Tómasson og Jón Arnar Sigurðsson.  Stúlkur: A: Jóhanna Björg Jóhannsdóttir, Geirþrúður Anna Guðmundsdóttir og Stefanía Bergljót Stefánsdóttir, B: Hrund Hauksdóttir, C: Ásta Sóley Júlíusdóttir og Camilla Hrund Sigurðardóttir og D: Heiðrún Anna Hauksdóttir. 

Stigamót Hellis:

• 2002: Sigurður Daði Sigfússon og Sævar Bjarnason
• 2003: Björn Þorfinnsson
• 2004: Stefán Freyr Guðmundsson
• 2005: Sigurður Daði Sigfússon
• 2006: Dagur Andri Friðgeirsson, Guðfríður Lilja Grétarsdóttir og Vilhjálmur Pálmason
• 2007: Omar Salama
• 2008: Bragi Þorfinnsson

Stelpumót Olís og Hellis:

• 2005: Jóhanna Björg Jóhannsdótir
• 2006: Tinna Kristín Finnbogadóttir, Jóhanna Björg Jóhannsdóttir og Hallgerður Helga Þorsteinsdóttir
• 2007: Hallgerður Helga Þorsteinsdóttir (drottningarflokkur) og Hrund Hauksdóttir
• 2008: Lenka Ptácníková (drottningarflokkur), Hrund Hauksdóttir (prinsessuflokkur-A), Hildur Berglind Jóhannsdóttir (prinsessuflokkur-b) og Elísa Sól Bjarnadóttir (öskubuskuflokkur).

Skákmenn Hellis (skákmaður, skákkona og efnilegasti):

• 1998: Hannes Hlífar Stefánsson, Guðfríður Lilja Grétarsdóttir og Björn Þorfinnsson
• 1999: Helgi Áss Grétarsson, Anna Lilja Gísladóttir og Davíð Kjartansson
• 2000: Hannes Hlífar Stefánsson, Guðfríður Lilja Grétarsdóttir og Davíð Kjartansson
• 2001: Hannes Hlífar Stefánsson , Lenka Ptátcníková og Hilmar Þorsteinsson
• 2002: Ingvar Ásmundsson, Lenka Ptátcníková og Atli Freyr Kristjánsson
• 2003: Ingvar Ásmundsson, Lenka Ptátníková og Hjörvar Steinn Grétarsson
• 2004: Hannes Hlífar Stefánsson, Lenka Ptácníková og Hjörvar Steinn Grétarsson

Stjórn Hellis

Stjórn Hellis starfsárið 2010-13 skipa:

• Vigfús Ó. Vigfússon, formaður, sími: 866 0116, netfang: [e-mail] 
• Edda Sveinsdóttir, varaformaður, netfang: [e-mail]
• Andrea Margrét Gunnarsdóttir, gjaldkeri, netfang: [e-mail]
• Steinþór Baldursson, gjaldkeri, netfang: [e-mail]
• Áróra Hrönn Skúladóttir, ritari, netfang: [e-mail]
• Davíð Ólafsson, netfang: [e-mail]
• Omar Salama,  netfang: [e-mail]
• Erla Hlín Hjálmarsdóttir, netfang: [e-mail]
• Lenka Ptácníková, netfang: [e-mail]

Formenn Hellis frá upphafi:

• Gunnar Björnsson 1991-95
• Andri Grétarsson 1995-97
• Daði Örn Jónsson 1997-2000
• Davíð Ólafsson 2000-02
• Helgi Áss Grétarsson 2002-04
• Gunnar Björnsson 2004-09
• Vigfús Ó. Vigfússon 2009-

Stjórnarmenn Hellis frá upphafi:

• Gunnar Björnsson 1991-2009
• Guðni Karl Harðarson 1991-95
• Davíð Ólafsson 1991-97,  1999-
• Andri Grétarsson 1991-97 & 2003-2006 & 2008-
• Björn Stefánsson 1991-93
• Sigurður Baldvin Sigurðsson 1993-94
• Jósep Húnfjörð Vilhjálmsson 1994-96
• Sigurður Áss Grétarsson 1995-98
• Halldór Grétar Einarsson 1996-99
• Daði Örn Jónsson 1996-2004
• Jón L. Árnason 1996-97
• Kjartan Ingvason 1996-97 & 1998-99
• Lárus Knútsson 1996-98 & 2000-01
• Júlíus Guðmundsson 1997
• Vigfús Ó. Vigfússon 1997-
• Kristján Ó. Eðvarðsson 1997-2000 og 2002-03
• Þorfinnur Björnsson 1997-2000
• Bjarni Benediktsson 1998-2004
• Björn Þorfinnsson 1998-2004 og 2006-2008
• Benedikt Egilsson 1999-2002
• Helgi Ólafsson 2000-02
• Guðfríður Lilja Grétarsdóttir 2001-04
• Helgi Áss Grétarsson 2002-04
• Lenka Ptácníková 2004-2008 og 2012-
• Kristján T. Högnason 2004-2007
• Anna Björg Þorgrímsdóttir 2004- 2005
• Harpa Ingólfsdóttir 2004- 2005
• Þorsteinn Hilmarsson 2004-
• Hrannar Baldursson 2005-2006
• Sigurbjörn J. Björnsson 2005-2007 & 2009-2011
• Hjördís Björk Birgisdóttir 2006-2008
• Edda Sveinsdóttir 2007-
• Paul Frigge 2007-2011
• Omar Salama 2008-
• Rúnar Berg 2008-2011
• Andri Áss Grétarsson 2009-2011
• Sigurbjörn Björnsson 2009-2011
• Þorsteinn Hilmarsson 2009-2011
• Andrea Margrét Gunnarsdóttir 2012-
• Steinþór Baldursson 2012-
• Áróra Hrönn Skúladóttir 2012-
• Erla Hlín Hjálmarsdóttir 2012-

Lög Taflfélagsins Hellis

1. Félagið heitir "Taflfélagið Hellir". Heimili þess og varnarþing er í Reykjavík.

    

2. Tilgangur félagsins er skákiðkun, að efla skákiðkun og halda uppi góðu félagsstarfi. Skulu í því skyni haldin skákmót fyrir félagsmenn, m.a. Meistaramót félagsins. Þá skal félagið halda eða taka þátt í a.m.k. 6 skákviðburðum á ári hverju.

    

3. Félagið skal vera aðili að Skáksambandi Íslands og taka þátt í deildakeppni þess.

    

4. Rétt til inngöngu í félagið hafa allir einstaklingar nema þeir sem hefur verið vísað úr félaginu eða er bönnuð innganga í félagið samkvæmt ákvörðun stjórnar eða félagsfundar.

    

5. Á félagsfundum, m.a. aðalfundum, hafa allir skuldlausir félagsmenn, 16 ára og eldri, sem ekki eru fullgildir félagar í öðrum félögum innan Skáksambands Íslands, atkvæðisrétt, enda hafa þeir verið í félaginu a.m.k. næstu 3 mánuði fyrir fund. Þeir sem kosnir eru í stjórn félagsins fá þó þegar atkvæðisrétt.

    

6. Aðalfundur félagsins hefur úrskurðarvald í öllum málum þess. Hann skal haldinn í febrúar eða mars ár hvert. Skal til fundarins boðað, bréfleiðis til atkvæðisbærra félagsmanna, a.m.k. 10 dögum fyrir fund. Í fundarboði skal getið þeirra mála sem kunnugt er að lögð verði fyrir fundinn auk venjulegra aðalfundarstarfa, sbr. 7. grein. Skýrsla stjórnar og reikningar félagsins skulu liggja fyrir a.m.k. 10 dögum fyrir aðalfund.

    

7. Á aðalfundi skal fjalla um eftirfarandi liði:
   1. Kosinn fundarstjóri og fundarritari.
   2. Flutt skýrsla stjórnar.
   3. Lagðir fram reikningar félagsins sem ná yfir síðast liðið almanaksár.
   4. Umræður um störf stjórnar og afgreiðsla reikninga.
   5. Kosning formanns.
   6. Kosning stjórnar.
   7. Kosnir tveir endurskoðendur að reikningum félagsins.
   8. Félagsgjöld ákvörðuð.
   9. Breytingar á lögum og reglum félagsins.
   10. Önnur mál.

   Með samþykki fundar má breyta röð dagskrárliða. Á fundinum ræður einfaldur meirihluti úrslitum, nema öðruvísi sé ákveðið í lögum þessum. Verði atkvæði jöfn við stjórnar- eða nefndarkjör ræður hlutkesti.

    

8. Kalla skal saman sérstakan félagsfund ef a.m.k. 2/3 stjórnar ákveður það eða a.m.k. 20 atkvæðisbærir félagsmenn óska þessa. Hefur sérstakur félagsfundur sama vægi og aðalfundur og gilda um hann sömu reglur, t.a.m. hvað varðar boðun hans. Þó skal aðeins heimilt að taka til afgreiðslu á sérstökum félagsfundum þau mál og þær tillögur sem sérstaklega er greint frá í fundarboði. Þá er eingöngu hægt að breyta lögum þessum á aðalfundi.

    

9. Í stjórn félagsins skulu kosnir auk formanns átta meðstjórnendur. Stjórnin skiptir með sér starfsheitum og verkefnum. Innan stjórnar ræður einfaldur meirihluti atkvæða.

    

10. Stjórnin er æðsta vald félagsins á milli félagsfunda. Hún skal, að svo miklu leyti sem henni er unnt, sjá um að haldin séu skákmót innan félagsins, er öllum félagsmönnum sé heimill aðgangur að. Stjórnin velur skákstjóra er sjái um framkvæmd mótanna. Stjórninni, eða eftir atvikum félagsfundi, er heimilt að vísa manni úr félaginu eða meina manni að ganga í félagið ef a.m.k. 2/3 hluti fundarmanna ákveða það. Með sama hætti er heimilt að setja menn í keppnisbann.

     

11. Allar ályktanir og bindandi ákvarðanir stjórnar og félagsfundar skulu færðar í gerðabækur.

     

12. Verði félagið lagt niður skulu eignir þess afhentar Skáksambandi Íslands til varðveislu, nema 2/3 hluti fundarmanna á félagsfundi ákveði annað.

     

13. Lögum þessum er einungis hægt að breyta á aðalfundi með 2/3 hluta atkvæða enda hafi breytingatillögurnar verið tilgreindar í fundarboði.

Saga Hellis

Saga Hellis birtist í 3. tbl. árið 2000 í Tímaritinu Skák. Höfundar voru Andri Áss Grétarsson, Daði Örn Jónsson og Gunnar Björnsson.

Stofnun

Taflfélagið Hellir var stofnað hinn 27. júní 1991. Ástæðan fyrir stofnun félagsins var fyrst og fremst tilraun til að auka fjölbreytni í skáklífi höfuðborgarsvæðisins. Eina starfandi félagið í Reykjavík sem var í Skáksambandi Íslands á þeim tíma var Taflfélag Reykjavíkur. Þeim sem stóðu að stofnun Hellis fannst alveg ótækt að aðeins eitt taflfélag væri starfrækt í Reykjavík. Hvað myndu menn segja ef aðeins eitt fótboltafélag væri starfrækt í Reykjavík? Það yrði lítil spenna og samkeppni í boltanum! Sú var reyndar raunin í skákinni. Það var lítil spenna og samkeppni í Deildakeppni Skáksambands Íslands, þar sem taflfélögin og skákfélögin heyja sína baráttu. Taflfélag Reykjavíkur hafði þar algjöra yfirburði.

Reyndar má segja að Hellir hafi að nokkru sprottið af ónægju með stöðu mála, svipað og t.d. Skákfélagið Mjölnir á sínum tíma. Málið var að Gunnar Björnsson var í stjórn Taflfélags Reykjavíkur og Andri Grétarsson í varastjórn. Ekki fannst þeim félögum alltaf málin vera eins og þau ættu að vera (enda voru þeir kallaðir harðlínumenn hjá Jóni L. í skákdálki DV!). Það kom því til tals hjá Gunnari, Andra, Georgi Páli Skúlasyni og Ríkharði Sveinssyni taka völdin í TR. Ríkharður átti að verða formaður. En úr því varð ekki og Ríkharður fór ekki í formannsslag (Ríkharður er reyndar formaður TR í dag!). Í kjölfarið gáfu Andri og Gunnar því ekki kost á sér í stjórnina, hugðust láta nægja að tefla endrum og eins! Sinnuleysið átti hins vegar ekki við Gunnar og honum datt því í hug að stofna nýtt taflfélag, "Taflfélagið Hellir"! Tókst honum að plata þessari hugmynd inná Andra. Höfðu þeir félagar samband við nokkra félagsmenn í Taflfélagi Seltjarnarness, m.a. Guðna Karl Harðarson þáverandi formann félagsins, en félagið hafði ekki haldið úti starfsemi um nokkurt skeið. Var síðan arkað af stað og auglýst í Morgunblaðinu, að fyrirhugað væri að stofna nýtt taflfélag. Var vonast eftir töluverðum fjölda og því leigður salur á Hótel Loftleiðum. Satt best að segja þá lét fjölmennið eitthvað á sér standa. Níu manns mættu á fundinn, þar af tveir áhorfendur! Stofnfélagar voru því eingöngu sjö: Gunnar, Andri, Guðni, Snorri G. Bergsson, Sigurður Ingason, Björn Stefánsson og Davíð Ólafsson. Fimm þeirra urðu stjórnarmenn og hinir tveir endurskoðendur! Vegna lítillar þátttöku kom það til tals á fundinum hvort ekki ætti bara að slútta þessu og fara að fá sér nokkra sterka á barnum! Menn ákváðu hins vegar að halda þetta út og viti menn... félagið er ennþá lifandi 9 árum síðar með um 200 félagsmenn!

Skákstarf hefst

Hellir hélt sína fyrstu skákæfingu 14. ágúst 1991. Fóru fyrstu æfingarnar fram í Verzlunarskóla Íslands. En það var fleira sem félagið gerði á haustdögum 1991. Haldin voru svokölluð "Mini-heimsbikarmót" sem fram fóru á Hótel Loftleiðum - á sama stað og Heimsbikarmót Flugleiða fór fram. Voru "Mini-heimsbikarmótin" forgjafarmót með útsláttarsniði. Forgjöfin var tímaforgjöf, þ.e. því sterkari sem andstæðingurinn var því meiri tíma fékk maður. Forgjafarmót þessi mæltust afar vel fyrir og er aldrei að vita nema Hellir endurtaki leikinn á komandi öld! Að auki tók félagið þátt í ýmsum keppnum og hélt atskákmót með Skákfélagi Hafnarfjarðar á haustdögum 1991.

Aukinn kraftur

Fyrri hluta árs 1992 var haldið hraðskákmót í Iðnskólanum í Reykjavík sem bar heitið Páskaeggjamót Hellis. Fór það afar vel fram og voru vegleg páskaegg í verðlaun. Þá hélt Hellir ásamt Skákfélagi Hafnarfjarðar atskákmót, Luna-atskákmótið. Einnig tók Hellir þátt í ýmsum keppnum á vordögum 1992.

Á haustdögum 1992 var öllu meira starf heldur en á vordögunum. Haldin voru tvö atskákmót með Skákfélagi Hafnarfjarðar og Taflfélagi Kópavogs, fyrsta meistaramót félagsins fór fram, hin svokölluðu mánaðarmót hófu göngu sína, haldið var Borgarskákmótið með Taflfélagi Reykjavíkur og ungliðadeild Hellis hóf starfsemi sína í Grafarvogi, en var þar eingöngu í eitt ár. Þá hófst fyrsta Hellisdeildin, en hún hefur mælst einkar vel fyrir. Hún byggist á því að félagsmönnum er skipt niður í lið. Lið þessi eru síðan styrkt af fyrirtækjum til keppni. Tefld er atskák og mætast liðin nokkrum sinnum yfir veturinn. Fyrsta keppnin fór fram 1992-3 og hefur hún verið haldin óslitið síðan.

Nýtt aðsetur

Um áramótin 1992-3 fékk Hellir aðsetur í Menningarmiðstöðinni Gerðubergi. Aðstaða þar var hin ágætasta. Vel fór á því að hafa skáklistina innan um ýmsar aðrar listgreinar og tómstundaiðju. Hóf Hellir þar starfsemi sem var svipuð og árið á undan nema einnig hófust vikulegar skákæfingar. Þá var á árinu 1993 haldin Helgaratskákmót með Skákfélagi Hafnarfjarðar og Taflfélagi Kópavogs. Þá var haldið Voratskákmót sem hefur verið fastur liður síðustu ár og jafnframt var haldið Afmælisatskákmót í tilefni þess að félagið var tveggja ára!

Fyrsta alþjóðlega mótið

Hellir var brautryðjandi í atskákmótahaldi, en þegar félagið hélt sitt fyrsta kappskákmót þá var ekki ráðist á garðinn þar sem hann var lægstur. Það var haldið stórt og myndarlegt alþjóðlegt skákmót. Keppendur voru 22, þar af 9 útlendingar. Fjórir stórmeistarar tóku þátt, allir erlendir. Reyndar höfðu tveir íslenskir stórmeistarar bókað þátttöku, en þeir voru kallaðir á heimsmeistaramót liða, sem haldið var í Sviss, kvöldið fyrir mót! Var þá uppi fótur og fit, en með stuðningi Skáksambandsins og aðstoð Jóhanns Hjartarssonar náðist að fá tvo þýska stórmeistara á mótið. Annar þeirra, Stangl, bar sigur úr býtum. Mótshaldið fór afar vel fram. Aðstæður voru góðar í Gerðubergi, skákmennirnir höfðu ánægju af mótinu og tefldu tjarft og skemmtilega og mótshaldið var í öruggum höndum stjórnar Hellis.

Árið 1994 var mótahald svipað og árið 1993. Þó var ekkert alþjóðlegt skákmót. Hins vegar byrjaði félagið með skákæfingar fyrir grunnskólanemendur í Gerðubergi, en Davíð Ólafsson tók þá við unglingastarfinu. Hefur félagið haldið úti unglingastarfi linnulaust frá þessum tíma.

Atkvöldin hefjast

Árið 1995 var starfsemi félagsins í svipuðum farvegi og árið á undan. Nokkrar nýjungar litu þó dagsins ljós t.a.m. hraðskákmeistaramót Hellis og Atkvöld, en þau hafa notið vinsælda alveg frá upphafi. Þau byggjast á því að fyrst eru tefldar 3 hraðskákir og síðan 3 atskákir, allt á einu kvöldi. Árið 1995 tók félagið svo þátt í Hraðskákkeppni taflfélaga á Suðvesturlandi, en Hellir átti frumkvæði á að koma þeirri keppni á. Allir þessir viðburðir eru enn fastir liðir í skáklífinu. Árið 1995 hélt Hellir í samvinnu við Taflfélag Reykjavíkur Atskákmót Reykjavíkur.

Ár breytinga

Árið 1996 var ár breytinga hjá Helli. Félagið geystist fram á Netið, var að venju fyrst með nýjungarnar og hélt fyrsta Íslandsmótið í Netskák. Félagið hefur æ síðan haldið þetta Íslandsmót, en ekki hefur verið mikið um annað mótahald hjá félaginu á Netinu, enda er þar að finna alþjóðlega skákklúbba sem uppfylla vel þarfir Netverja! Annað mótahald var með hefðbundnu sniði hjá félaginu. Þá vann félagið sinn fyrsta "stóra" titil þ.e. "Hraðskákmeistari taflfélaga á Suðvesturlandi", sem er það næsta sem kemst því að vera Íslandsmeistaramót taflfélaga í hraðskák. Einnig voru miklar breytingar á félagsmönnum, því eftir "blóðugar" formannskosningar í Taflfélagi Reykjavíkur gengu til liðs við félagið margir virkir skákfrömuðir. Má þarna segja að félagið hafi fengið nýtt blóð á mikilvægu augnabliki, því frumkvöðlarnir sem höfðu rekið félagið í 5 ár voru eitthvað byrjaðir að lýjast. Stjórnin stækkaði nú og varð 9 manna með komu þeirra Daða Arnar Jónssonar, Jóns L. Árnasonar, Kjartans Ingvasonar og Lárusar Knútssonar, en með þeim fylgdi yfir 30 manna flokkur úrvals skákmanna. Félagið hafði semsagt næstum tvöfaldast!

Uppgangstímar

Árið 1996 endaði með glæsilegu barnaskákmóti, "Jólapakkamóti Hellis" sem haldið var í núverandi húsakynnum félagsins í Þönglabakka í Mjódd, en Mjóddin er í dag mjög miðsvæðis á Stór-Reykjavíkursvæðinu með þægilegu aðgengi að strætisvögnum. 202 sprækir keppendur voru á Jólapakkamótinu, sem tókst afar vel í hinum rúmgóðu salarkynnum sem Hellir hefur yfir að ráða. Hefur mótið verið fastur liður í starfsemi félagsins síðustu árin.

Um áramótin 1996-7 flutti Hellir svo inn í núverandi húsnæði félagins og er aðstaða þar til mikillar fyrirmyndar. Félagið hefur haft sinn eigin sal í húsinu og hefur getað boðið upp á fyrirmyndaraðstöðu. Þrátt fyrir hið nýja húsnæði var fyrsti atburður ársins ekki haldinn í þar heldur í Göngugötunni í Mjódd. Mótið var minningarmót um Arnold Eikrem og var haldið af Helli fyrir tilstuðlan S.Í. Félagið endurvakti helgaratskákmótin og hélt tvö slík á þessu ári. Enn ein nýjungin í starfsemi Hellis leit dagsins ljós þetta ár. Haldin var Klúbbakeppni Hellis og var þátttaka geysilega góð, alls tóku 23 sveitir þátt í mótinu og átti Lárus Knútsson stjórnarmaður Hellis á þeim tíma mestan þátt í þessari góðu þátttöku. Margir sterkir skákmenn tefldu á mótinu og er þessi keppni ein sú vinsælasta ár hvert sem Hellir heldur. Þetta var ekki eina nýjung Hellis þetta ár því félagið hélt fjölmennt Jónsmessumót sem hefur verið árlegur viðburður síðan þá. Mótið er ávallt haldið á föstudagskvöldum og hefst ekki fyrr en um 22. Félagið hélt reyndar í fyrsta og eina skiptið firmakeppni með T.R. Hellir hefur reyndar haldið firmakeppni í einni eða annarri mynd síðan, en staðið einn að mótshaldinu. Skemmtikvöld skákáhugamanna voru haldinn í húsnæði Hellis það ár og hafa verið haldin þar síðan. Stærsti viðburður ársins var reyndar alþjóðlegt mót. Hellir hélt sitt annað alþjóðlegt skákmót, öflugt 32 manna mót. Meðal þátttakenda voru stórmeistarnir, Hannes Hlífar Stefánsson, Helgi Ólafsson og Helgi Áss Grétarsson. Mótið þótti í alla staði vel heppnað þótt ekki fengist íslenskur sigur, en sem fyrr voru þýskir skákmenn sigursælir á alþjóðlegum mótum Hellis. Þýski stórmeistarinn Hickl, þýski alþjóðlegi meistarinn Keitlinghaus, sem náði þarna sína síðasta stórmeistaraáfanga, og sænski stórmeistarinn Hector sigruðu. Jón Viktor Gunnarsson náði þarna sínum fyrsta áfanga að alþjóðlegum meistaratitli. Ekki var þetta eini alþjóðlegi viðburður ársins því félagið tók í fyrsta sinn þátt í Evrópukeppni taflfélaga og náði þar frábærum árangri. Félagið vann sinn undanúrslitariðill og komst þar með í hóp 8 öflugustu taflfélaga Evrópu. Félagið sá sér hins vegar ekki fært að taka þátt í úrslitakeppninni vegna mikils kostnaðar þar sem úrslitakeppnin fór fram í einhverju rússnesku krummaskuði.

Árið 1998 var ekki jafn fjölbreytilegt og árið á undan. Félagið setti upp sína eigin heimasíðu sem hefur verið langvirkasta skáksíðan undanfarin tvö ár. Félagið keypti ein 100 taflsett sem hafa reynst félaginu notadrjúg og eru öll taflsett félagins eins, sem er líklega einsdæmi hérlendis! Félagið valdi í fyrsta sinn og heiðraði skákmenn ársins. Valið skiptist í þrjá flokka: Skákmaður Hellis, skákkona Hellis og efnilegast skákmaður Hellis 1998. Hellir er eina félag landsins sem hefur valið skákmenn síns félags. Félagið sigraði með miklum yfirburðum í Hraðskákkeppni taflfélaga á Suðvesturlandi þetta árið. Sem fyrr tók félagið þátt í Evrópukeppni taflfélaga sem fram fór í Eistlandi, en féll út í undanúrslitum í frægri viðureign gegn T.R. sem komst m.a. á síður DV!

Árið 1999 var Bikarkeppninni í skák ýtt úr vör, en að henni stóðu flest taflfélög á höfuðborgarsvæðinu, þ.á.m. Hellir. Keppnin var vel heppnuð og leiddi til aukinnar þátttöku í skákmótum flestra félaganna. Félagið stóð einnig fyrir röð kvennaskákmóta út árið. Hannes Hlífar Stefánsson, sem kosinn var Skákmaður Norðurlanda þetta ár, var eini fulltrúi Íslands í heimsmeistarakeppninni í skák. Hannes stóð sig vel, en varð þó að láta í minni pokann fyrir Sergei Shipov í annarri umferð. Þeir Hannes Hlífar og Helgi Áss báru höfuð og herðar yfir aðra keppendur á Skákþingi Íslands þetta árið og komu hnífjafnir í mark. Hannes hreppti síðan titilinn eftir einvígi þeirra félaga. Hápunktur ársins var Evrópukeppnin í skák, en einn undanrásariðillinn var haldinn í Hellisheimilinu. Það voru Hellir og T.R. sem stóðu sameiginlega að mótshaldinu. Hellir náði mjög góðum árangri og hafnaði í 3. sæti.

Á toppinn

Félagið hefur ávallt keppt í Deildakeppni Skáksambands Íslands. Á fyrsta starfsári félagsins var jafnvel talað um að halda félaginu úti fyrst og fremst til að taka þátt í Deildakeppninni, en mörg félög munu eingöngu vera til í kringum þátttöku í Deildakepninni. Hellir byrjaði lögum samkvæmt í neðstu deild, sem þá var 3. deild. Bar félagið auðveldan sigur úr býtum í sínum undanrásarriðli og einnig í úrslitakepninni. Veturinn 1992-3 tók félagið svo þátt í 2. deild og sigraði þar einnig örugglega. Veturinn 1993-4 var síðan Hellir kominn í deild þeirra bestu. Hafði þá félagið styrkst nokkuð frá stofnun, t.a.m. fékk félagið alþjóðameistarann Þröst Þórhallsson til lið við sig fyrir Deildakepnnina. Stóð félagið sig vel og hafnaði í 5. sæti. Árið eftir gekk hins vegar verr og þegar tveim skákum var ólokið þá leit allt út fyrir að félagið myndi falla í 2. deild. Arnaldur Loftsson, sem er eini "útlendingurinn" sem hefur telft með Helli, en hann var kallaður heim frá Flórída til að taka þátt í þessari deildakepni, og Davíð Ólafsson voru með slæmar stöður gegn Vestfirðingum. Taugatitringurinn var mikill og mátti víða sjá breitt bros á "óvinum" Hellis, en skelfing greip um sig meðal sumra Hellisbúa. Ljóst var að framtíð félagsins yrði erfið ef félagið félli. En svo fór þó ekki því þeim félögum tókst að snúa á andstæðinga sína.

Fyrir Deildakeppnina 1995-6 gekk Þröstur til liðs við Taflfélag Reykjavíkur, en Hellir fékk til liðs við sig Hannes Hlífar Stefánsson stórmeistara. Félagið sannaði nú að það væri orðið eitt af þeim allra bestu og tryggði sér bronsið á lokasprettinum.

Fyrir Deildakeppnina 1996-7 stillti Hellir upp mjög breyttu og sterku liði þar sem margir sterkir skákmenn höfðu gengið til liðs við Helli. Má þar nefna stórmeistana Jón L. Árnason og Helgi Áss Grétarsson og alþjóðlega meistarann Karl Þorsteins. T.R.-ingar gripu til þess ráðs að fá þrjá erlenda "málaliða" til liðs við sig og varð keppnin geysispennandi. Úrslit réðust ekki fyrr en á síðustu sekúndum keppninnar en félögin komu í mark með jafnmarga vinninga, en T.R. vann innbyrðis viðureign félaganna og því keppnina.

Í keppninni 1997-98 hafði enn bæst við liðsauki því Helgi Ólafsson hafði gengið í raðir Hellisbúa. Hellir vann allir sínar viðureignir, en alls ekki nógu stórt og vann T.R. nokkuð öruggan sigur þetta árið. B-lið Hellis sigraði í 2. deild og átti því félagið í fyrsta sinn tvær sveitir í 1. deild.

Í keppnni 1998-9 gekk hins vegar allt upp. Fyrir seinni hlutann hafði Hellir gott forskot og góður sigur á T.R. 5½-2½ í 6. umferð gulltryggði sigurinn. Félagið hafði því unnið sinn fyrsta sigur í Deildakeppni S.Í. C-liðið sigraði í 3. deild og tryggði rétt á að tefla í 2. deild.

Eftir fyrra hluta keppninnar 1999-2000 benti hins vegar allt til öruggs sigur T.R.-inga. Hellismenn sýndu þó hvað í þeim bjó og með glæsilegum endaspretti vann Hellir sinn annan sigur og hefur sigrað næst oftast allra félaga í Deildakeppninni eða tvisvar sinnum sem sýnir betur en margt annað yfirburði T.R.-inga síðustu áratugi. B-sveitin náði einnig góðum árangri og hafnaði í 4. sæti. Aðeins A-lið Hellis, T.R. og S.A. reyndust B-sveitinni sterkari.

Unglingastarfið

Hellir hefur haldið úti öflugu unglingastarfi undanfarin ár. Unglingastarf Hellis hófst eins og áður sagði 1992 og var haldið til að byrja með í Grafarvogi. Það hófst þó ekki að alvöru fyrr en 1994 að Davíð Ólafsson tók við unglingastarfinu í Gerðubergi. Félagið hefur auk þess frá 1994 staðið fyrir sveitakeppnum á milli skólanna í Breiðholti. Félagið hélt í fyrsta sinn árið 1995 Unglingameistaramót Hellis. Sama ár hélt félagið í fyrsta sinn einstaklingskeppni grunnskólanna í Breiðholti. Árið 1996 stóð félagið í fyrsta sinn fyrir Jólapakkamóti Hellis, sem hafa verið best sóttu skákmót landsins nú síðustu ár. Vifús Ó. Vigfússon tók við unglingastarfinu það ár og hefur haldið vel um taumana síðan. Félagið hefur m.a. bætt við vinsælu Páskaeggjamóti og haldið fjöltefli.

Stjórn Hellis

Stjórn félagins tók litlum breytingum fyrstu árin. Fyrstu árin eða 1991-5 var Gunnar Björnsson formaður. Andri Áss varð svo formaður 1995-7. Þá tók Daði Örn Jónsson við formennskunni og var formaður til 2000. Davíð Ólafsson tók svo við formennsku það ár. Alls hafa 21 maður setið í stjórn félagins frá upphafi. Gunnar er sá eini sem hefur verið í stjórn félagins allan tímann. Næst lengsta stjórnarsetu á Davíð Ólafsson núverandi formaður félagins en hefur setið í stjórn í 7 ár. Andri Áss Grétarsson sat í stjórn í 6 ár. Daði Örn Jónsson hefur verið í stjórn félagins í 4 ár og Guðni Karl Harðarson fyrrum varaformaður var einnig í stjórn félagins í 4 ár.

Slagorð félagins var í upphafi "Smátt, sterkt og skemmtilegt". Eftir að mikla stækkun félagsins var slagorðið hins vegar skorið niður í "Sterkt og skemmtilegt". Hafa menn eftir best getu reynt að standa við það slagorð