Vignir Vatnar og Stefán Karl efstir á Hellisæfingu

Á æfingunni sem haldin var 11. mars sl. var skipt í eldri og yngri flokk eins og oft hefur verið gert á síðustu æfingum. Til viðbótar fara svo þeir sem hafa skákstig allir í eldri flokkinn og sigurvegari í yngri flokki á síðustu æfingu. Vignir Vatnar Stefánsson sigraði örugglega með fullu húsi 5v af fimm mögulegum í eldri flokki. Annar varð  Dawid Kolka með 4 vinninga. Þeir tveir hafa verið sigursælir á æfingunum og hleypa sjaldan einhverjum upp fyrir sig. Þriðji varð svo Óskar Víkingur Davíðsson með 3v eins og Felix Steinþórsson, Birgir Ívarsson, Heimir Páll Ragnarsson og Bárður Örn Birkisson en Óskar var hæstur á stigum. Í yngri flokki vann Stefán Karl Stefánsson 5v af sex mögulegum. hann fær því að spreyta sig í eldri flokknum á næstu æfingu. Næstir komu síðan Stefán Orri Davíðsson og Halldór Atli Kristjánsson með 4,5v en eftir stigaútreikning  fékk Stefán Orri annað sætið og Halldór Atli það þriðja.

Í æfingunni tóku þátt: Vignir Vatnar Stefánsson, Dawid Kolka, Óskar Víkingur Davíðsson, Felix Steinþórsson, Birgir Ívarsson, Heimir Páll Ragnarsson, Bárður Örn Birkisson, Mikhael Kravchuk, Alec Sigurðarson, Þorsteinn Magnússon, Björn Hólm Birkisson, Sindri Snær Kristófersson, Brynjar Bjarkason, Stefán Karl Stefánsson, Stefán Orri Davíðsson, Halldór Atli Kristjánsson, Tinni Teitsson, Egill Úlfarsson, Ívar Andri Hannesson, Arnar Jónsson, Baltasar Máni Wetholm, Gunnlaugur Einarsson, Birgir Logi Steinþórsson, Þórður Hólm Hálfdánarsson, Ólafur Steinn Ketilbjörnsson og Adam Omarsson.

Næsta æfing verður svo mánudaginn 18. mars nk. og hefst kl. 17.15. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.