Dawid og Tinni efstir á Hellisæfingu

Æfingin sem haldin var 6. maí sl. var tvískipt.  Í fyrri hlutanum var skipt í nokkra hópa. Þeir sem lengst eru komnir æfðu sig í endatöflum með hrók á móti biskup eða riddara. Næstu hópar æfðu sig í tveggja riddara tafli og þeir sem komnir voru styst glímdu við að vinna með kóng og tvö peð á móti kóng í ýmsum útgáfum. Eftir að pizzuveislu um miðja æfinguna slegið upp skákmóti í tveimur flokkum. Þar sem æfingin var hálfnuð þurfti að láta 4 umferðir með 7 mínútna umhugsunartíma nægja. Í eldi flokki vann Dawid Kolka örugglega með 4v í jafn mörgum skákum. Næstir komu Felix Steinþórsson og Birgir Ívarsson með 3v en eftir stigaútreikning fékk Felix annað sætið og Birgir það þriðja. Yngri flokkinn vann Tinni Teitsson einnig með fullu hús 4v en þetta er í fyrsta sinn sem hann nær efsta sætinu í þessum flokki þótt getan hafi fyrir löngu verið til staðar. Tinni fær því að reyna sig í eldri flokknum á lokaæfingunni næsta mánudag. Eins og í eldri flokki þá voru tveir jafnir í öðru og þriðja sæti með 3v en það voru þeir skólafélagar úr Salaskóla Ívar Andri Hannesson og Egill Úlfarsson og hér fékk Ívar Andri annað sætið og Egill það þriðja.

Í æfingunni tóku þátt: Dawid Kolka, Felix Steinþórsson, Birgir Ívarsson, Alec Elías Sigurðarson, Halldór Atli Kristjánsson, Sigurður Kjartansson, Heimir Páll Ragnarsson, Oddur Þór Unnsteinsson, Óskar Víkingur Davíðsson, Tinni Teitsson, Ívar Andri Hannesson, Egill Úlfarsson, Sindri Snær Kristófersson, Stefán Karl Stefánsson, Stefán Orri Davíðsson, Baltasar Máni Wetholm, Brynjar Haraldsson, Arnar Jónsson, Adam Omarsson og Þórður Hólm Hálfdánarson.

Næsta æfing verður svo mánudaginn 13. maí nk. og hefst kl. 17.15. Þa er jafnframt síðasta æfing á vormisseri. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.