Felix og Stefán Orri efstir á síðustu æfingu á vormisseri - Dawid efstur í stigakeppni vetrarins

Síðastu æfingu fyrir sumarhlé sem haldin var 13. maí sl. var skipt í eldri og yngri flokk eins og gert hefur verið á síðustu æfingum. Til viðbótar fara svo þeir sem hafa skákstig allir í eldri flokkinn og sigurvegari í yngri flokki á síðustu æfingu. Í eldri flokki tók Bárður Örn snemma forystu og hélt henni fram í lokaumferðina þegar Felix og Bárður tefldu saman og Dawid og Heimir. Eftir spennandi og tvísýna skák þar sem Felix virtist eiginlega hafa tapað tafl eftir byrjunina en í stöðunni reyndist vera björgunarleið sem sem leiddi til miðtafls sem var nokkurn veginn í jafnvægi. Felix náði svo að snúa taflinu sér í vil og vinna skákina og þar með æfinguna með 4,5 af 5. Á meðan vann Heimir Dawid sem er sigursælasti skákmaðurinn á þessum æfingum síðastliðin tvö ár. Það dugði hins vegar aðeins í þriðja sætið því Bárður var einnig með 4v en hærri á stigum eftir að hafa verið á toppnum allan tímann á með Heimir tók monrad vindinn eftir tap í fyrstu umferð. 

Í yngri flokki sigraði Stefán Orri Davíðsson með 4,5v af sex mögulegum. Stefán Orri hefur ekki áður unnið yngri flokkinn en þar sem um var að ræða síðustu æfingu á vormisseri verður það að bíða til haustsins að hann fái að spreyta sig í eldri flokki. Það voru fjórir jafnir í 2. - 5. sæti með 4v og þurfti því að grípa til stigaútreiknings. Þá fengust þau úrslit að Stefán Karl Stefánsson var í 2. sæti, Arnar Jónsson var þriðji, brynjar Haraldsson fjórði og Sindri Snær Kristófersson fimmti.

Í æfingunni tóku þátt: Felix Steinþórsson, Bárður Örn Birkisson, Heimir Páll Ragnarsson, Óskar Víkingur Davíðsson, Brynjar Bjarkason, Björn Hólm Birkisson, Dawid Kolka, Mikhael Kravchuk,  Sigurður Kjartansson, Oddur Þór Unnsteinsson, Axel Óli Sigurjónsson, Alec Elías Sigurðarson, Birgir Ívarsson, Helgi Svanberg Jónsson, Tinni Teitsson, Halldór Atli Kristjánsson, Stefán Orri Davíðsson, Stefán Karl Stefánsson, Arnar Jónsson, Brynjar Haraldsson, Sindri Snær Kristófersson, Þórður Hólm Hálfdánarson, Egill Úlfarsson, Baltasar Máni Wetholm, Þorsteinn Emil Jónsson, Ívar Andri Hannesson, Finnur Gauti Guðmundsson og Adam Omarsson.

Æfingarnar í vetur voru vel sóttar en yfir 100 börn og unglingar sóttu þær. Kjarninn sem sótti æfingarnar að staðaldri hefur sennilega aldrei verið stærri og fengu margir viðurkenningu fyrir mætinguna í vetur. Efstir í stigakeppni vetrarins voru Dawid Kolka, Vignir Vatnar Stefánsson og Felix Steinþórsson sem er sama röð og í fyrra. Eini munurinn er sá að felix fékk núna töluvert fleiri stig en árið áður.

Nú verður gert hlé á Hellisæfingunum þangað til í haust þegar þær byrja aftur um mánaðarmótin ágúst - september.