Meistaramót Hellis, óvænt úrslit á fyrsta og níunda borði.

Meistaramót Hellis hófst í kvöld með fyrstu umferð. Eins og iðulega á opnum mótum urðu úrslit almennt hefðbundin. Óvænt úrslit urðu þó á tveimur borðum. Felix Steinþórsson (1510) gerði sér lítið fyrir og gerði jafntefli á fyrsta borði við stigahæsta keppenda mótsins, Jón Árna Halldórsson (2213) og Björn Hólm Birkisson (1186) vann Vigni Vatnar Stefánsson (1780) í hörkuspennandi skák.

Öll úrslit fyrstu umferðar má finna hér.

Alls taka 34 skákmenn þátt í mótinu sem telst prýðisþátttaka. Önnur umferð fer fram á morgun og hefst kl. 19:30. Pörun 2. umferðar má finna hér.

Paul Frigge hefur slegið inn skákir umferðarinnar sem eru í næstu færslu á undan hér á Hellissíðunni.

• Heimasíða Hellis
• Chess-Results