Óskar Víkingur og Brynjar efstir á æfingu

Óskar Víkingur Davíðsson sigraði með 5v í sex skákum í efri flokki á Hellisæfingu sem haldin var 16. september sl. Annar varð Alec Elías Sigurðsson með 4v og þriðji varð Heimir Páll Ragnarsson. Í yngri flokki sigraði Brynjar Haraldsson með 4v í fimm skákum. Annar varð Stefán Orri Davíðsson einnig með 4v en lægri á stigum. Þriðja sætinu náði svo Róbert Luu með 3v eins og Adam Omarsson en Róbert var hærri á stigum. Það vantaði svo nokkra vaska skákmenn á þessa æfingu m.a. vegna fjarveru Norðurlandameistara Álfhólsskóla sem tóku einn auka dag úti eftir mótið.

Í æfingunni tóku þátt: Óskar Víkingur Davíðsson, Alec Elías Sigurðarson, Heimir Páll Ragnarsson, Birgir Ívarsson, Brynjar Haraldsson, Stefán Orri Davíðsson, Róbert Luu, Adam Omarsson, María Jónsdóttir og Ísak Máni Ágústsson.

Næsta æfing verður svo mánudaginn 23. september nk. og hefst kl. 17.15. Stefnt er að því að skipta þá í tvo flokka eftir aldri og stigum ef þátttaka leyfir. Æfingarnar eru haldnar í Álfabakka 14a í Mjóddinni, gengið inn á milli Subway og Föken Júlíu og salurinn er á þriðju hæð.