Bragi með eins vinnings forskot!

Gunnar Björnsson skrifar:  

Bragi Þorfinnsson hélt áfram sigurgöngu sinni á Fiskmarkaðsmótinu og að þessu sinni var fórnarlambið Pólverjinn Andrezj Misiuga.  Bragi hefur nú 4,5 vinning og er vinningi fyrir ofan næstu menn.  Aðeins Björn bróðir hefur náð að marka hann og sýnist mér að fátt geti komið í veg fyrir sigur Braga á mótinu.

Lenka, eftir tap gegn Birni, þar sem Björn tefldi hvasst að vanda, og Sarwat eru í 2.-3. sæti með 3,5 vinning.  Björn og Hjörvar, sem gerði jafntefli við Sævar Bjarnason, eru í 4.-5. sæti með 3 vinninga.   

Ingvar Þór sigraði Omar í hörkuskák og Sarwat vann Fonseca.    

Sjötta umferð fer fram á morgun sunnudag og hefst kl. 14.   Þá mætast m.a. Hjörvar-Bragi og Lenka-Ingvar Þór.

Áhorfendur eru hvattir til að láta sjá sig.  Á mótsstað er kósý stemming og ekki skemmir ef Bjössi mætir aftur með viðbótarskammt af vöffludegi frá mömmu sinni!

Til hliðar, undir tenglar, má finna úrslit, stöðu, stigaútreikninga o.þ.h.